Retiradong polis, asawa gi-ambush
Giila ni Police Major Jonathan Bethooven Taneo, hepe sa Talamban Police Station ang mga biktima mao silang Edmund Dela Rosa Junco, retiradong sakop sa Criminal Investigation and Detection Group (CIDG)-7, 65-anyos ug kapikas niini nga si Betty Uy Junco, 57, nga usa ka negosyante.
SAR/ File
Retiradong polis, asawa gi-ambush
Romeo D. Marantal (Banat) - September 16, 2020 - 12:00am

Cebu, Philippines — Retiradong polis ug asawa niini ang gidala sa tambalanan human sila gituohang gi-ambush samtang ang magtiayong luwan sa ilang sakyanan diha sa Nasipit, Talamban, Cebu City kagahapon sa hapon.

Giila ni Police Major Jonathan Bethooven Taneo, hepe sa Talamban Police Station ang mga biktima mao silang Edmund Dela Rosa Junco,  retiradong sakop sa Criminal Investigation and Detection Group (CIDG)-7, 65-anyos ug kapikas niini nga si Betty Uy Junco, 57, nga usa ka negosyante.

Ang duha parehong nakaangkon og mga samad pinusilan sa ilang kalawasan ug gidala sa tambalanan. Usa sab ka wala pa mailhing rider og motorsiklo ang giingong napagan atol sa hitabo ug gidala sa tambalanan.

Sa pasiunang imbestigasyon sa kapolisan paingon pauli ang mga biktima sa dihang kalit silang gipamusil sa wala mailhing mga mamumuno. Matud pa nga nga nakahimo pa pagdasmag ang biktima sa mga mamumuno kinsa dali sab nangikyas palayo sa lugar. Apan sa pagdali-dali og maneho palayo sa magtiayon nakadasmag sab sila og laing duha ka mga motorsiklo kansang mga drayber gidala sab sa tambalanan.

"Dili pa ta ka confirm (kung ambush) kay sa pagkakaron ongoing pa ang pag process sa SOCO and wala pa ta ka search sa area kung either gisundan ni or giatngan ba sa perpetrators, i-double check pa nato ang dalan,kung naa bay nakuha na CCTV pero usa na sa possibility nga atong gi tan-aw nga ambush," sigon ni Taneo.

“Ang nahitabo, gipusil sya didto sa may San Carlos unya naka move pa ang sakyanan ug mga pila ka meters before na stop, atong natan-aw na pagpusil napadagan pa ni si Sir Junco ang sakyanan," dugang ni Taneo. Kasamtangan padayon pa karon ang gihimong imbistigasyon sa kapolisan sa posibleng pag-ila sa mga mamumuno ug motibo sa pagpamusil.

"Sa pagkakaron ato sa gi-establish ang panghitabo kung its either ambush or gisundan ba. Usa sad nga among gitan-aw (pagka-kanhi polis ni Junco) kay daku sad na nga purohan kay retired PNP man siya," dugang pa ni Taneo. (BANAT NEWS)

POLIS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with