^

Banat Balita

Cortes ug Frasco nihangyo sa ilang mga konstituwente

Banat

CEBU, Philippines — Mopaubos si Mayor Jonas Cortes sa Dakbayan sa Mandaue og Enhanced Community Quarantine sugod sa alas 12:01 sa kadlawon karong Marso 29, 2020.

Si Atty. John Eddu Ibañez, chief of staff ni Cortes nagkanayon nga sugod kagahapon ang quarantine passes gi-house to house og hatag sa matag barangay.

"Libre ra ni nga ipanghatag. Wa ni bayad ang quarantine passes”, matud ni Ibañez.

Si Cortes sa post niini sa iyang facebook page nagkanayon nga gibuhat niya kini aron maprotektahan ang mga Mandauehanon batok sa covid-19.

"Akong gihangyo matag Mandauehanonnga sa panahon karon ato gayud sundon ang tanang mando ug lakang nga gibuhat sa dakbayan para masumpo kining makalilisang nga sakit. Tinabangay tang tanan, makabarog ra kita og balik gikan niini”, tipik sa post ni  Cortes.

Samtang si Mayor Christina Frasco sa Lungsod sa Liloan sa post niini sa iyang facebook page nagkanayon nga sugod karong semanaha ang kagamhanan sa lungsod magsugod na sa pagpahangtag og food voucher ngadto sa mga indigent nga pamilya ug sa mga sector kinsa nawagtangan og inadlaw nga income.

"Initially, mag-distribute ta og 5,000 ka food kits alang sa mga qualified households sunod semana ug patas-an kini kada semana. Ipanghatag kini sa pinakananginahanglan.

Dili pasabot nga tungod kay naka-quarantina, naa na dayon food kits. Aduna may quarantine pass alang sa pagpalit og groceries ug uban pa. Mag-release pa ta og dugang na impormasyon niini sa umaabot na mga adlaw”, matud ni Frasco.

Si Frasco niawhag sa iyang mga konstituwente nga mo-cooperate, mohatag sa ilang pagsabot ug mosundo sa kamandoan.

"Ang mga lakang na gibuhat sa inyong Mayor ug lokal na panggobiyerno sama sa curfew, closures, quarantine ug social distancing, alang kini sa kasulbaran sa kinabuhi natong tanan. Mao na kini ang panahon sa pagtinabangay. Dili kini ang panahon sa pagpabadlong”, dugang ni Frasco. Gikan sa The Freeman/BDB

CORTES

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with