John O gidayeg sa pagpalambo sa Toledo
Gregg M. Rubio (Banat) - January 7, 2020 - 12:00am

CEBU, Philippines — Naangkon ni kanhi senador ug mayor John Henry Osmeña ang pagdayeg sa paglambo sa Dakbayan sa Toledo.

Kini ang gipadayag ni Mayor Marjorie Perales atol sa una niyang State of the City Address kagahapon dungan sa pagsaulog sa ika-60 nga Charter Day nga gipahigayon sa bag-ong gitukod nga sports center nga gisugdan sa administrasyon ni Osmeña.

Matud ni Perales nga ang paglambo sa dakbayan bunga sa paningkamot sa niaging mga lider apan si Osmeña maoy nakapausab sa dagway sa siyudad ug sa matang sa serbisyo ngadto sa publiko.

Giila usab niya si kanhi kongresista Manuel Zosa isip amahan sa pagkahimong Siyudad sa Toledo ubos sa Republic Act No. 2688.

“For many years, The City of Toledo is storming to its dream and goal to be a progressive city in the west coast of the Province of Cebu”, matud ni Perales.

Ang nakitang paglambo sa siyudad matud ni Perales natagamtaman sa kadaghanan.

Kini sama sa mga gipangbuksan, lapad ug sementadong kadalanan nga naghatag og kasayon sa mga mag-uuma sa pagtumod sa ilang abot sa kaumahan direkta sa merkado nga menus ang gasto sa transportasyon ug mga dalan nga nakapaluag sa huot sa trapiko sa sentro sa  siyudad.

Gihatagan og dakong importansya ang hapit na makompleto nga Toledo City Sports Center nga sa dili madugay mahimo nga lugar alang sa regional, national ug international sports tournament.

Si Osmeña sa iyang pakigpulong nagpasalamat nga nakaabot pa siya sa inugurasyon sa maong sports facility bisan gitagalan nalang siya og pila ka buwan sa iyang stage 4 nga cancer.

“Ako nagpasalamat sa Ginoo nga nakaabot ko sa pag-inagurar karon”, matud Osmeña.

Nagpasalamat sab si Osmeña sa suporta sa konseho atol nga siya ang mayor ingon man sa bag-ong konseho sanglit daghan pa ang angayan humanon nga mga proyekto. (BANATNEWS)

JOHN HENRY OSMEñA
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with