Ang buhatan sa Ombudsman nakakita og igong sukaranan sa pagpasaka sa kaso batok kang Gica sa kalapasan sa Section 3(a) sa Republic Act No. 3019, o ang Anti-Graft and Corrupt Practices Act, nunot sa giingong pagpanghilabot sa trabaho sa Bids and Awards Committee sa lungsod.
Paul Jun E. Rosaroso
Gica gikiha tungod ni Bamboo
Gregg M. Rubio (Banat) - September 23, 2019 - 12:00am

CEBU, Philippines — Nag-atubang og kasong kriminal si Dumanjug Mayor Efren Guntrano Gica nunot sa ilang pagkuha kang Bamboo isip maglilingaw sa ilang kapistahan sa lungsod niadtong 2015.

Ang buhatan sa Ombudsman nakakita og igong sukaranan sa pagpasaka sa kaso batok kang Gica sa kalapasan sa Section 3(a) sa Republic Act No. 3019, o ang Anti-Graft and Corrupt Practices Act, nunot sa giingong pagpanghilabot sa trabaho sa Bids and Awards Committee sa lungsod.

“Let the corresponding information be filed before the proper court,” matud sa resolusyon sa Ombudsman.

Ang resolusyon gipirmahan niadtong Hulyo 11, 2018 Graft Investigation and Prosecution Officer II Rheia Tibon apan naaprobahan ni Ombudsman Samuel Martires niadtong Hunyo 13, 2019.

Ang kaso gipasaka ni kanhi mayor Nelson Garcia niadtong Septiyembre 2, 2016. Si Garcia mayor sa lungsod niadtong Hunyo 30, 2013 hangtud Hunyo 30, 2016 apan gipulihan siya ni Gica dihang nasuspenso siya sugod sa Marso 2015.

Isip pagpangandam sa ilang ika-160 nga founding anniversary dungan sa piyesta niadtong Oktubre 4, 2015, si Gica ug kanhi municipal administrator Danilo Macoy nihangyo og kalingawan nga banda nga mao ang Adrianne Band ug Overdue Band, Powerspoonz Band, ug mag-aawit nga si Bambo Mañalac.  

Sa iyang memorandum niadtong Septiyembre 16, 2015, si Gica nimando sa BAC nga mogamit og direct contracting sa pagkuha sa serbisyo sa mga artista atol sa piyesta.

Ang Sangguniang Bayan nitugot kang Gica nga mokuha sa serbisyo sa TSE Live Inc. nga mao sab ang modala kang Bamboo ug ubang artista.

Nakit-an sa mga imbestigador nga gimanduan gyud ni Gica ang BAC nga mogamit og direct contracting hinungdan sa maong kalapasan.

Matud sa Ombudsman nga subay sa balaud, ang BAC maoy may gahum pag-ila sa pamaagi sa procurement ug morekomendar ngadto sa pangulo sa procuring agency nga mao ang mayor sa maong pamaagi.

Dugang kalapasan nga nasuta mao nga si Gica nimando sa Local Finance Committee sa pagpagawas sa kantidad nga P953,200 niadtong Oktubre 1, 2015 sa dili pa ang kapistahan nga kalapasan sab sa Presidential Decree 1445 o ang State Auditing Code of the Philippines. (BANATNEWS)

GICA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with