OBO: Developer sa nahagsang riprap sa Tisa wa kapakita’g permits

Dina Atip (Banat) - September 11, 2019 - 12:00am

CEBU, Philippines – Ang Office of the Building Official (OBO) sa Dakbayan sa Sugbo niisyu og tulo ka notisya batok sa developer sa usa ka subdivision sa Barangay Tisa human sa nahitabong pagkatumpag sa riprap sa ilang construction site nga nakaapektar sa mga kasikbit nga kabalayan.

Sumala pa ni Architect Florante Catalan, tagdumala sa Office of the Building Official (OBO) sa pakighinabi sa Banat News ang ila opisina nipagawas og tulo ka notice of Illegal construction batok sa maong developer.

Gimandoan sa OBO ang developer sa paghunong sa ilang trabaho ingon man sa pagduso og incident report apil na ang mga hulagway nga ilang nakuha sa hitabo niadtong Septiyembre 1, 2019.

Sumala pa nga daghang nakakita sa pagkahugno sa riprap sa gitukod nga subdivision. Wala hinuoy naangin ug nasamdan sa maong insidente gawas lamang sa pipila ka mga panimalay nga naapektahan.

Pipila sa mga residente ang nibutyag nga nangalisang sila sa pagkahitabo ug karon padayon ang ilang kabalaka kay basin mausab kini ug may madisgrasya na hinuon kanila.

Ang OBO dili mohatag og pagtugot sa developer nga makapadayon sa ilang proyekto hangtud nga dili sila makapakita og building permit sa riprap, excavation permit, fencing permit ug uban pang mga rekisitos.

Apil sa kinahanglan nilang tumanon ang pagbayad sa mga nangaguba nga estraktura ug kabtangan sa mga molupyo nga naigo sa midahiling riprap.

Usa ka resolusyon ang giduso ni Cebu City Councilor Philip S. Zapra nga nagmando sa OBO ug Cebu City Disaster Risk Reduction and Management Office(CDRRMO) paghimo og inspeksyon sa apektadong lugar.

Pinaagi sa ilang rekomendasyon ibase ang mosunod nga aksyon sa dakbayan apil na ang pagpahamtang sa tukmang multa. (/IBM)(BANAT NEWS)

 

 

DEVELOPER
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with