Chan gustong mapalambo ang Olango

CEBU, Philippines — Dungan   sa  pagsaulog  sa adlaw  nga natawhan  ni  Mama Mary   sa  Septiyembre  8  ang  pagsaulog  sab sa  adlaw  nga natawhan  ni   Mayor  Junard  ‘Ahong’ Chan. Gusto sa mayor nga adto kini saulogon sa covered  court  sa Barangay Sta. Rosa  sa Isla   sa  Olango.

Gisugdan  ni  Mayor   Chan   ang  selebrasyon   sa  iyang   adlaw  nga  natawhan didto  sa  Barangay  San  Vicente  sa  Isla  sa  Olango  pinaagi  sa pagpananom  og mga bakhaw   sa daplin  sa baybayon   sa maong lugar.

Ang kalihokan giabagan sa mga sakop  sa  Philippine  Air Force  (PAF)  nga  gipangulohan sa  ilang   commanding  general  nga si  Major   General  Alejadro   Baclayon sa  General  Benito Ebuen  Air Base  sa Mactan,  Dakbayan  sa  Lapu-Lapu.

Apil sab sa nitabang ang mga sakop   sa kapolisan nga  gipangulohan ni  Police  Colonel  Clarito  Baja,  mga  Barangay Official  ug mga Sangguniang  Kabataan   sa  maong   dakbayan. Gisundan  kini sa medical  mission  nga giapilan  sa mga doktor   nga  mitanyag  og libreng  pagpa-check up, libreng pagpatamal, pagmasahe, pagpatupi ,  pagpalimpiyo   sa  ngipon  ug  uban  pa.

Si  Chan  sa iyang pamahayag  miingon  nga tulo lamang  ka mga  butang  ang iyang  gitinguha  isip iyang birthday  wish.

Nag-una ang 24  oras  nga  elektrisidad   sa tibuok  isla, permamenteng dunay agas  sa tubig mainom ug  ingon man ang kalamboan  sa Isla  sa Olango  hasta sa tanang lumolupyo niini. (/IBM)(BANATNEWS)