Pahulagway una … Ang contingents sa Tuburan nga susama og mga Diwata samtang nagpaabot sa ilang torno aron mosayad sa parada sa Pasigarbo sa Sugbo kagahapon sa hapon.
Rowena Capistrano
Pasigarbo ikapasigarbo
Camille Pateres (Banat) - August 26, 2019 - 12:00am

CEBU, Philippines — Gihangop pagbalik ang Pasigarbo sa Sugbo nga nabalik karon lang tuiga human gipahunong unom na ka tuig ang nakalabay. Ang Pasigarbo sa Sugbo 2019 gihimo dinhi sa Dakbayan sa Sugbo nga gitapos diha sa Cebu City Sports Complex.

Sama sa Sinulog Grand Parade dunay kaugalingong timpla ug pangdani ang Pasigarbo sa Sugbo tungod kay purong taga Sugbo ang mga nipasundayag ug nagkompetisyon.

Gikan silang tanan sa nagkadaiyang mga kalungsoran sa lalawigan ug ilang gipakita ang ilang nagkadaiyang tradisyon, kultura sa ilang pagsayaw.

Kagahapon sa hapon gisugdan ang parade sa 44 ka mga contingents gikan sa M. Velez Street padulong na sa Cebu City Sports Center ug nakadani kini og mga tumatan-aw.

Si Cheryl Ebo, kinsa kuyog sa iyang tulo ka mga anak ug pag-umangkon ang tuyo nga nisayo sa Abellana Sports Center aron mosaksi sa Pasigarbo sa Sugbo.

Matud pa ni Ebo, excited siya sa maong kalihukan tungod kay unang higayon niya nga mosaksi niini ug dili babag ang kainit sa panahon.

Si Ramon Labra, nitug-an usab bisan sa traffic nga iyang nasinati apan wala kini nakapaluya kaniya tungod kay nakasaksi man usab siya sa nindot kaayo nga mga sayaw sa kalungsuran.

Dugang pa ni Labra, ang maong kalihukan makadasig usab kini sa katawhan nga mangindahay usab nga makaabot sa maong mga lungsod tungod sa katahum sa ilang gipakita nga presentation.

Samtang si Elsa Carrido sa Barangay Sambag 2, malaumon nga magpadayon ang maong kalihukan tungod kay maayo nalang kini sa mga dili makakita sa mga festivals sa kalungsuran ilaha na kining makit-an linawas bisan diha lang sa kadalanan.

Sigun pa sa direktor sa Cebu Provincial Police Office nga si Police Colonel Roderick Mariano, gibana-bana nga 18,000 ka mga tawo lakip na ang mga partisipante ang anaa sa kadalanan gikan sa Cebu Provincial Capitol paingon sa Cebu City Sports Complex.

Si Mariano mao ang over-all ground commander sa Pasigarbo sa Sugbo. Niining pagsuwat, giingong malinawon ug walay natala nga krimen sa gipahigayonan sa Pasigarbo sa Sugbo 2019.

“Sa ngayon, so far normal situation, wala aman tayong natala na crime incidents na related sa event,” matud sa maong direktor.

Apan tug-an sa maong direktor nga dakong hagit nila mao ang pagkontrolar sa panon sanglit giingong wala maanad ang ilang mga gipangdeploy kinsang gikan sa nagkadaiyang estasyonan sa Probinsya sa Sugbo.

“Kailangan natin ayusin yung dissemination natin, medyo nabigla ang mga tao natin, iba kasi sa actual,” sigun sa maong direktor.

Ang bag-ong  tigpamaba sa Cebu City Police Office nga si Police Major Clark Arriola nagkanayon nga niining pagsuwat, wala pa silay nadakpan sa paglapas sa liquor ban. (/IBM)(BANATNEWS)

PASIGARBO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with