Public library tinguha ni Samsam
CEBU, Philippines — Himoon ni Talisay City Mayor Gerald Anthony “Samsam” Gullas Jr. ang public library sa dakbayan.
Apan dili sama sa uban nga usa ra ang iyang himoon kay siya nagtinguha nga mapahimuslan kini sa tibuok barangay sa mas dali ug mas sayon.
Si Gullas nibutyag nga usa sa iyang prayoridad mao ang paghatag og nindot nga edukasyon sa katawhan kun diin ang public library maoy usa sa butang nga makakab-ot sa tinguha.
Iya kini nga panganlan og “Aksyon Agad Learning Centers”.
Matud pa niya nga ilang i-cluster ang barangay aron aduna na silay usa ka lugar nga tun-an, basahanan ug research dili lang sa mga tinun-an lakip na ang mahiligon sa pagbasa og mga libro.
Dili lang mga libro ang makita kay gusto sa mayor nga naa sab kini mga computer sets nga adunay libreng internet.
“Students can also use this facility as a venue where they can study in peace,” asoy pa ni Gullas.
Sigun pa niya nga iyang hangyuon ang mga kompaniya nga naa sa dakbayan aron makatabang sa iyang plano para sa Talisaynon pinaagi sab sa ilang corporate social responsibility. (/GMR)(BANATNEWS)
- Latest
