Mag-uuma gipusil patay

CEBU, Philippines — Patay ang usa ka mag-uuma human gipusil sa may Sitio Sudlon, Dumpt Site, Barangay Cogon, Tuburan apan ang suspek nasikop ra sab sa hot pursuit operation sa panimalay niini sa Sitio Ulbohan, Barangay Amatugan sa maong lungsod.

Ang nakalas naila nga si Ernesto Rosal, 48, samtang ang suspek mao si Emiliano Diamante, usa sab ka mag-uuma.

Matud ni Achiles Bacorta, desk officer sa Tuburan Police Station, nga padulong uli ang biktima sa ilang panimalay dala ang kahoy nga igsusugnod dihang kalit siyang gipusil sa suspek sa walay daghang estorya gamit ang .357 magnum revolver. Personal nga bangi ang gitan-aw sa kapolisan nga hinungdan sa pagpatay ni Diamante kang Rosal.

Giandam na sa kapolisana ng pagsang-at og tukma nga kaso batok sa dinakpan. (BANAT NEWS)