Rehab center ipadumala sa DOH

CEBU, Philippines – Ang Department of Health (DOH) na ang posibleng modumala sa rehabilitation center nga gihatag sa usa ka telecom company ngadto sa Probinsiya sa Sugbo.

Ang New Life Center nga nahimutang the 2,600 square meters nga luna sa Lungsod sa Pinamungahan giturnover kini sa Globe Telecom ngadto sa Kapitolyo ubos sa administrasyon ni kanhi gobernador ug karom Bise Gobernador Hilario Davide, III.

Apan si Gobernador Gwendolyn Garcia gikonsiderar ang pag-turnover sa maong pasilidad ngadto sa DOH-7. “We have studied the MOA and the deed of donation and I am seriously considering turning this over to the Department of Health, because that is not our forte and that is not our mandate running a rehab facility”, matud ni Garcia.

Ang Project New Life usa kini ka 106 bed capacity nga pasilidad alang sa mga drug dependents nga kinahanglan na ipaubos sa rehabilitation.

Aduna kini lainlaing ward alang sa babaye ug lalaki ug aduna pay 18 ka single rooms alang sa adunay extreme cases.

Ang maong proyekto gi-turnover kini sa Globe ngadto sa Kapitolyo niadtong bulan sa Hunyo karong tuiga. (/BDB)(BANAT NEWS)