^

Arcilla wa kakuha og TRO

Decemay P. Padilla (Banat) - June 22, 2019 - 12:00am

CEBU, Philippines – Pakyas si Cebu City North District Konsehal Alvin Arcilla pagkuha og temporary restraining order sa korte aron mapugngan ang pag-disqualified kaniya sa paglansar sa niaging eleksyon.

“WHEREAS, the records show that to this date, no restraining order has been issued by the Supreme Court in relation to the 28 May 2019 Resolution of the Commission En Banc,” tipik sa tulo ka pahina nga Certificate of Finality sa Commission on Elections En Banc.

Ang Certificate of Finality gipirmahan ni Atty. Abigail Justine M. Cuaresma-Lilagan, acting clerk sa Commission nga giluwatan kagahapon.

Ang disqualification case nitumaw human usa ka Allen Canoy, residente sa Barangay Apas, nisang-at og petisyon sa pagkanselar sa kandidatura ni Arcilla kinsa nakahuman na sa tulo ka sunod-sunod nga termino gikan sa 2010-2013, 2013-2016 ug 2016-2019.

Si Arcilla niingon nga ang iyang serbisyo naputol dihang gisuspenso siya sa katungdanan gikan sa May 17, 2016 hangtud sa Hunyo 30, 2016.

Apan niadtong May 28, ang En Banc niuyon sa resolution sa Comelec First Division nga nagkanselar sa kandidtura ni Arcilla ug ang En Banc niresolbar ug nibasura sab sa motion for reconsideration niini.

Si Comelec Cebu City North District Election Officer, Atty. Marchel Sarno, niingon nga karon ang saktong panahon nga si Canoy mosang-at og motion for execution sa Comelec En Banc.

Kini aron maproklamar ang ika-siyam nga konsehal nga si Konsehal Jerry Guardo.

“Magpaabot lang jud ko sa Board of Election Canvassers when are they going to convene and how are they going to implement such order from Comelec En Banc,” matud ni Guardo. (/GMR)(BANAT NEWS)

 

ARCILLA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with