^

Banat Balita

Buwag ang ginikanan, anak naghikog

Banat

CEBU, Philippines — Nagbitay nga wala nay kinabuhi ang 17-anyos nga lalaki sulod sa ilang balay sa Barangay Busay, Siyudad sa Sugbo niadtong Lunes pasado alas 10 sa buntag.

Matud ni Police Chief Master Sergeant Antonio Din nga giingong nagguol ang batan-on sa niaging mga adlaw tungod sa panagbuwag sa iyang mga ginikanan dul-an na sa usa ka tuig.

Bugtong anak ang batan-on nga nagtungha sa Grade 9 ug nagpuyo sa ilang panimalay kauban sa iyang amahan nga security guard.

Sigun pa sa amahan nga pag-abot niya sa ilang panimalay gikan sa iyang trabaho nakita nalang niya ang anak nga nagbitay na gamit ang pisi nga nylon nga gihikot sa iyang liog ug ang pikas tumoy sa pisi gihigot sa sagbayan nga kahoy. Dali siyang nakatawag og ambulansya apan pag-abot sa taga Emergency Rescue Unit Foundation wala nay pulso ug wala na nagpitik ang kasing-kasing sa batan-on.

Gi-imbestigar sab sa taga Scene of the Crime Operative ang insidente.

Matud ni Din nga niabot sab ang inahan sa batan-on kansang patayng lawas gidala sa St. Francis Funeral Homes sa N. Bacalso Ave., Dakbayan sa Sugbo diin gihimo ang pag-autopsy. (/GMR)(BANATNEWS)

 

BUWAG

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with