Jomara anaa maglabayan sa Binaliw landfill
Decemay P. Padilla (Banat) - May 23, 2019 - 12:00am

CEBU, Philippines – Ang kasamtangang service provider sa Siyudad sa Sugbo alang sa paghakot og basura mao ang Jomara Konstruckt Inc., nga anaa maglabayan sa ARN Central Waste Management sa Brgy. Binaliw.

Si officer-in-charge sa Department of Public Services (DPS) John Paul Gelasque nagkanayon nga kay ang private-owned landfill sa Brgy. Polog sa Lungsod sa Consolacion gisira, ang private hauler sa siyudad nakahukom nga mosulod og transaksiyon tali sa ARN. Nasayran nga niadtong Abril 23 ug Mayo 5, ang mga sakop sa Environmental Management Bureau (EMB) sa Central Visayas misusi sa nahisgutang landfill nga gipanag-iya sa Asian Energy System Corp. diin ilang nasuta nga napakyas kini sa pagpatuman sa ilang environmental management plan.

Nunot niini miisyu ang EMB-7 og cease and desist order (CDO) batok sa nanag-iya sa maong landfill subay sa kalapasan sa provisions sa Presidential Decree 1586 kon Philippine Environmental Impact Statement System ug Republic Act 9275 kon Philippine Clean Water Act of 2004.

Gipamulta usab kini sa EMB og P100 mil ug laing P50 mil matag adlaw kon magpadayon kini sa ilang operasyon human gipadad-an sa CDO niadtong Mayo 7. Sigon ni Gelasque gipili sa Jomara ang Binaliw sanglit mao kini ang labing duol nga pasilidad sa siyudad nga operational.

Hinuon dili siya makasulti kon pila ka toneladang basura ang ma-dispose sa 10-hectare nga landfill facility sa kasamtangan.

Ang Jomara maoy private hauler sa kagamhanan sa siyudad gikan sa buwan sa Enero hangtud Hunyo niining tuiga nga adunay kontrata nga nagkantidad og P103.8 milyones.

Sa buwan sa Hulyo hangtud sa Disyembre, ang ARN adunay direct contract sa kagamhanan human midaug sa P65 million garbage hauling contract. Ang ARN mitanyag og P647 tipping fee matag toneladang basura. Niadtong Marso 2019, nagsugod sa pag-akomodar ang ARN og basura gikan sa private haulers human sila makakuha og permit gikan sa Cebu City Environment and Natural Resources Office alang sa solid waste disposal. (Romeo T. Limpangog/DILT)(BANAT NEWS)

 

JOMARA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with