Tinuod nga gugma ipatigbabaw
Romeo T. Limpangog (Banat) - January 19, 2019 - 12:00am

CEBU, Philippines — Gisugat sa hilabihang kahinangop sa liboan ka mga debotong Mandauehanon ang mga imahe ni Sr. Sto. Niño ug Birhen sa Guadalupe dihang naabot kini kagahapon  sa buntag sa maong dakbayan pinaagi sa tinuig nga Traslacion.

Si Mayor Luigi Quisumbing maoy nangulo sa pagsugat sa maong mga imahe uban ang mga kaparian sa National Shrine of Saint Joseph sa may Brgy. Subangdaku.

Dihang napahimutang na ang duha ka mga imahe sa sulod sa National Shrine of Saint Joseph diin nakumpleto na ang Sagrad sa Familia, gisugdan usab dayon ang misa nga giselebrar ni Msgr. Danilo Sanico. Sa iyang wali, gihimug-atan ni Msgr. Sanico ang pagpatigbabaw sa gugma sa usag-usa kay sa maong paagi dili lamang makahatag kini og dugang kalig-on sa pagtuo apan lakip na ang pagbaton og kalinaw  sa matag pamilya.

Sayud siya nga nagkalain-lain lang ang giampo sa mga nanimba ngadto sa Sagrada Familia sama sa maayong panglawas, molambo ang gisudlan nga negosyo ug uban pa. Apan iyang gitataw nga labing maayo unta nga panganduyon sa mga deboto ang pagbaton og kahapsay ug gugma sa usag-usa kay dinhi maangkon ang kalinaw.

Sa maong pagwali ni Sanico, anaa sa iyang atubangan sila si Mayor Quisumbing ug 6th District Congressman Jonas Cortes kinsa misimba uban sa liboan ka mga deboto.

Ang duha maoy mag-atbang pagka mayor karong umaabot May 2019 midterm elections ug nasayran nga nagka-initay karon ang duha ka kampo gumikan sa isyu sa 3.5 ka ektaryang luna diin misangpot kini sa pagpasaka og kaso ni Quisumbing batok ni Cortes. (/DILT)(BANATNEWS)

 

IPATIGBABAW
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with