Drug operations padayon bisan ATOL SA Fiesta Señor
Rowena D.Capistrano, Gabriel C. Bonjoc (Banat) - January 15, 2019 - 12:00am

CEBU, Philippines — Si acting regional director Wardley Getalla sa Philippine Drug Enforcement Agency sa rehiyon mipasidaan ngadto sa kabatan-onan nga padayon gihapon ang ilang drug operations bisan pa man sa kasaulogan sa Fiesta Señor.

Mipasidaan siya sa tanang mga kalihukan subay sa Sinulog 2019 ilabi na sa ‘party areas’ nga posibleng target sa mga ilegal nga kalihukan ug paggamit og mga party drugs o marijuana.

Lakip nilang bantayan ang mga terminal, airports ug seaports diin aduna silay gipang-deploy nga PDEA personnel ug K9-units.

“So for Sinulog, we only have five K-9 units but we are maximizing our airport, to guard every possible places for the drug pushers to conduct their release activities” butyag pa ni Getalla.

Sa laing bahin, nagtingkagol sab karon sa prisohan si John Paul Sentillas, 32-anyos, criminology graduate human sa gihimong buy-bust operation sa Cebu City Police Office Drug Enforcement Unit sa Brgy. Kamputhaw kagahapon sa kadlawon.

Matud sa hepe sa maong unit nga si PCInsp. Chuck Barandog nga nakuhaan nila si Sentillas og 15 gramos nga gituohang shabu nga mobalor og P102 mil. Giingong gi-report ang binuhatan ni Sentillas pinaagi sa Facebook page nga Itug-an ni CD.

Nasayran nga si Sentillas, nasikop pila na ka higayon gumikan gihapon sa maong salaud apan makagawas ra. Tak-om kini dihang gikuhaan og pamahayag kun diin gikan ang iyang suplay apan iyang giangkon nga wala siyay trabaho.

Sa Dakbayan sa Talisay, nasikop ang manag-agaw ug laing usa sa gihimong buy-bust operation sa Sitio Pandayan, Brgy. Manipis niadtong miaging adlaw.

Ang mga dinakpan mao sila si Ariel Abarquez alyas Jonil Racal, 20-anyos, construction worker; Joey Abarquez, 19-anyos ug si Joliemar Bregondo, 18-anyos, habalhabal driver. Ang tulo pulos taga Sitio Crossing, Brgy. Camp 4.

Nasayran nga subject sa maong operasyon si Ariel. Nakuha gikan kaniya ang walo ka gagmay’ng pakete ug 20 ka dagkung putos sa gituohang shabu.

Samtang ang mga operatiba nakasakop kang Joey nga nagbitbit og usa ka dakung putos ug tulo ka gagmay’ng pakete sa gituohang shabu. Si Bregondo nakuhaan og usa ka daku nga pakete ug upat ka gagmay’ng pakete sa gidudahang shabu.

Ang mga ebidensya nga nakuha mitimbang og 110.9 gramos nga mobalor og P754, 120.

Ang tulo gibalhog na sa bilangguan ug gikatakdang pasakaan og kaso. Nichole Alexis A. Abas (BANAT NEWS)

ILLEGAL NA DROGA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with