Seguridad sa midterm elections gihisgutan
(Banat) - December 7, 2018 - 12:00am

CEBU, Philippines — Gihimo kagahapon ang labing unang Regional Joint Security Control Center (RJSCC) sa Police Regional Office-7, aron tukion ang pagpangandam sa umaabot nga May 2019 Synchonized National and Local Elections. 

Si Atty. Rafael Olaño, regional election director, miingon nga ilang gihisgutan  ang inisyal nga pagpangandam sa umaabot nga piniliay.

“Nag-usap kami on how to maintain order at also yong ilang personnel na magbabantay, at ano ang gagawin sa Comelec, DepEd etc.” asoy pa ni Olaño. Gituki usab sa maong panagtigum ang mga dapit nga ideklara nga election watchlist areas (EWAS) gumikan sa mga presensiya sa armed group ug Intensive Political Rivalry sa maong mga lugar.

Matud ni PRO-7 regional director PCSupt. Debold Sinas nga nakig-coordinate na sila sa nagkadaiyang ahensiya mahitungod sa EWAS.

Base sa listahan nga gipagawas ni Sinas, napulo ka lugar ang ideklarang EWAS sa Negros Oriental. Kini naglangkub sa Guihulngan City, Bais City, Siaton City, Ayungan City, Canlaon City, Mabinay, Manjuyod, Tayasan, Sta.Catalina ug Zamboanguita. Upat ka lugar sa Lalawigan sa Sugbo nga gilangkuban sa Danao City ug ang kalungsuran sa Ronda, San Fernando ug Tuburan. Sa Bohol, unom ang anaa sa listahan; ang mga lungsod sa Buenavista, Clarin, Danao, Pilar, Tubigon ug Inabanga. Samtang ipaubos sa EWAS ang tanang lungsod sa Probinsiya sa Siquijor gumikan sa intensive political rivalry.

Gipahibawo usab ni Olaño nga magsugod ang election gun ban karong Enero 13, 2019. - Nichole Alexis A. Abas, USJR Intern, DILT (BANAT NEWS)

LOCAL ELECTIONS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with