10 patay, P10M shabu nasakmit
Gabriel Bonjoc, Romeo T. Limpangog, Camille Pateres (Banat) - October 5, 2018 - 12:00am

CEBU, Philippines —   Napulo ang patay sa gipahigayong One Time Big Time operation sa Metro Cebu ug Probinsya sa Sugbo sugod Miyerkules sa gabii hangtud kagahapon sa kaadlawon nga miresulta sa pagkasakmit og dul-an P10 milyones nga ilegal nga drugas.

Ang maong operasyon gihimo pinasikad sa search warrants ug warrant of arrest niining pagsuwat 82 pa lang sa 106 ka search warrants ang nasilbi diin 76 niini sa kaso sa ilegal nga drugas ug ang unom sa armas.

Atol sa press conference kagahapon, si Chief Supt. Debold Sinas, direktor sa Police Regional Office-7 mibutyag nga 60 ka mga personalidad ang ilang naaresto sa tibuok Probinsya sa Sugbo ug Metro Cebu ug giingong mosaka pa kini samtang nagpadayon pa ang pagsilbi og mga search warrants.

Aduna say 23 ka mga wanted persons nga nasikop samtang unom ang napatay sa kapolisan sa Dakbayan sa Talisay ug tulo sa Dakbayan sa Sugbo.

Nanukol patay

Sa Dakbayan sa Talisay, kapin sa P3 milyones nga shabu ug mga armas ang nasakmit.  Si Supt. Marlu Conag, pangu sa kapulisan sa Dakbayan sa Talisay  miingon nga ang operasyon gihimo batok adunay kalambigitan sa ilegal nga drugas.

Ang operasyon gihimo diha sa Sitio Tunga, Barangay Tanke apan giingong nisukol ang mga subject sa warrant nga sila si Sherwin Dabasol, 30; Welvin Vinculado; Cresencio Rafaran alyas Jr. Adik ug ang magsuon nga sila si Duane ug Jate Bongo nga pulos nagpuyo sa maong lugar samtang sa Barangay Dumlog napatay usab silang Jerome Sonsona, 39.

Ang mga napatay pulos nakuhaan og .38 nga revolvers ug nagkadaiyang pakete sa gidudahang ilegal nga drugas. Samtang adunay pito ka mga nadakpan nga nakuhaan og ilegal nga drugas apil ang usa ka Wilmer Baguio, 51, nga nakuhaan og 35 ka medium packs, usa ka dakong pakete ug 99 ka gagmay nga pakete nga pulos dunay sud nga gidudahang shabu nga moabot sa P3,291,728 ang kantidad.

Cebu City

Samtang sa Cebu City gihimo ang operasyon gikan sa Barangay Ermita, Pasil ug Nivel Hills sa Lahug nga niresulta sa kamatayon nilang Robbie Lopez, Lano Dakay ug Joselito Salinas alyas Angelito Rosales samtang daghan usab ang nadakpan tungod sa paghupot og ilegal nga drugas ug mga armas.

Matud pa nga nisukol sa kapolisan ang mga napatay samtang gibana-bana ni CCPO Director Royima Garma nga P3 milyones ang balor sa mga drugas nga ilang nakuha.

Parojinog group

Sa linaing operasyon, ang hiniusang pwersa sa Lapu-Lapu City Police Office uban sa mga sakop sa kapolisan sa Police Regional Office-9 nga nagpatabang kanila pagsikop sa most wanted nga si Crisolito Unito alyas Sonny, lumad nga taga Ozamis City ug temporaryong nagpuyo sa nahisgotang dapit.

Si Unito gikatahong sakop sa Parojinog Group, Dragon Group ug Manuel Francisco Group nga nagbase sa Zamboanga del Sur.

Bitbit ang  warrant of arrest gikan sa Regional Trial Court (RTC) 9 sa mga kaso nga naglakip sa murder,  robbery,  robbery with violence and intimidation against person batok ni Unito sa pag-adto sa iyang gipuy-an. Apan pag-abot didto sa mga polis giunhan sila sa pagpusil ni Unito hinungdan nga kini gibawsan ug napatay. Nakuha sa crime scene ang kalibre 45 nga pistola.

Probinsiya sa Sugbo

Aduna say gipahigayong OTBT sa Probinsya sa Sugbo  nga niresulta sa pagkasakmit sa P3.8 milyones balor sa shabu ang nasakmit gikan sa 94 ka mga dinakpan.

Samtang mipadayag si Sinas nga andam silang moatubang sa imbestigasyon kon dunay mokwestyon sa ilang mga operasyon.

Apil sa nitabang sa operasyon ang Philippine Drug Enforcement Agency-7 ug Philippine Coast Guard. (BANAT NEWS)

ILEGAL NGA DRUGAS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with