Kapitan sa Mabolo mobiya sa BOPK?
CEBU, Philippines — Gikonsiderar ni Cebu City Mayor Tomas Osmeña nga hulga si elected Mabolo Barangay Captain Niña Mabatid sa umaabot eleksiyon sa pagka-Presidente sa Association of Barangay Council.
Nagtuo ang mayor nga si Mabatid pwede makadaog diin matod pa pwede mahitabo ang bisan unsa. “Of course, she can win. People can vote for her. I am not going to stop her, run”, asoy ni Osmeña.
Sigon sa Mayor nakadawat siya og report nga si Mabatid mihangyo kang Capitol Site Barangay Captain Manuel Guanzon nga maoy mahimong running mate.
Apan giingong mibalibad si Guanzon sa tanyag ni Mabatid labot sa plano nga modagan sa ABC Elections.
“Di man modawat si Guanzon. Guanzon told me that this is not a fight among ABC president, it’s a fight between Rama and Bando Osmeña Pundok Kauswagan,” dugang sa mayor.
Gihimug-atan sa mayor nga wala siya’y problema kang Mabatid kon modagan kini pagka-presidente sa ABC kay matod pa ang tanan dunay katungod sa paghimo niini.
Dili pa hinuon sigurado ang mayor kon naa pa kanila sa ilang partido si Mabatid human siya nakadungog og estorya nga si Mabatid motapon sa Barug Team Rama PDP-Laban.
Giingong nakit-an si Mabatid nga nakig-uban sa mga miyembro sa oposisyon. Giangkon ni Osmeña nga wala siyay plano nga kumbinsihon si Mabatid pagpabilin sa partido ang kapitan maoy nagsugod sa tanang isyu.
Sa iyang bahin, si Mabatid miingon nga hantod karon wala pa siya nakadesisyon nga modagan ba sa ABC ug labot sa isyu kang Guanzon kini miingon mas maayo kang Guanzon mangutana aron mahibaw-an kung unsay tinuod.
Apan nasurpresa siya nga gikonsiderar siya sa mayor nga hulga nga kauban man sila sa BOPK. Matud niya sakop gihapon siya sa BOPK.
“Ang ako lang gyud karon makakita man sila makig-mingle ko sa Kapitan para nako wala pako ni-decide at this point it’s more important to me to get to know all and unite them as one because I want all of us to respect each other’s political parties and at the same time be united as federation and be independent as ABC after we’re not actually political opponent in our Barangay we’re all winners baya,” asoy ni Mabatid. (BANAT NEWS)
- Latest
