P100M sa DPWH alang sa Butuanon
CEBU, Philippines — Mogahin ang Department of Public Works and Highways og P100 milyones nga pondo alang sa rehabilitasyon sa Butuanon River sa Dakbayan sa Mandaue.
Matud ni Efren Carreon, director sa National Economic and Development Authority-7, nga subject for approval pa sa Kongreso ang gisugyot nga pondo sa DPWH.
Sigun ni Engineer Armando Paredes, project manager sa Flood Control Management Cluster (FCMC) sa DPWH-7, nga dako ang kahigayunan nga maaprobahan sa Kongreso ang maong sugyot kung paluyohan kini sa Regional Development Council (RDC).
Dugang ni Paredes nga girekomendar sa DPWH nga iapil sa 2019 budget ang maong pondo base sa hangyo sa kagamhanan sa siyudad.
Matud sab ni Paredes nga ang mabuhat sa DPWH mao ang pagpalambo sa suba aron maminusan ang pagbaha sa maong lugar.
Awhag ni Paredes sa mga mulopyo sa maong lugar nga dili mopuyo duol sa suba ug likayan ang paglabay og mga basura. - Jezalyn L. Capute (BANAT NEWS)
- Latest
