Matud ni CITOM operations chief Isko Ouano nga si Mayor Tomas Osmeña mismo maoy mimando og imbestigasyon sa tulo ka traffic enforcers tungod sa daghang negatibong report nga iyang nadawat.
Miguel De Guzman
Tulo ka traffic enforcers taktakon
Rene U. Borromeo (Banat) - April 29, 2018 - 12:00am

CEBU, Philippines – Laing tulo ka traffic enforcers nga sakop sa City Traffic Operations Management (CITOM) ang taktakon sa ilang katungdanan karong semanaha kay matud pa nalambigit sila sa pagpangilkil.

Matud ni CITOM operations chief Isko Ouano nga si Mayor Tomas Osmeña mismo maoy mimando og imbestigasyon sa tulo ka traffic enforcers tungod sa daghang negatibong report nga iyang nadawat.

Human maimbestigar ni Ouano ang tulo ka traffic enforcers ug maatubang ang mga driver nga mipasangil kanila og pangilkil, nakabantay si Ouano nga tinuod gayud nga nakahimo og salaod ang iyang tulo ka sakop.

Si Ouano miingon nga nakakita na siya sa giandam nga termination order nga giandam sa City Hall ngadto kanila ni Dennis Rabago, Kristo Rey Cuico ug Jackson Abarri, pulos mga kaswal nga kawani sa CITOM.

Nahibaw-an nga si Rabago nadestino sa North Reclamation Area (NRA), samtang si Cuico sa Barangay Banilad ug si Abarri sa Sabellano, Pardo. Ang uban kanila nagserbisyo sobra na sa 10 ka tuig.

Gibutyag ni Ouano nga dunay usa sa maong mga traffic enforcer nga gireklamo kay nangayo og P12 mil sa driver nga nadakpan niini kay wala’y lisensya, ang usa nangayo og P1,500 ug ang laing usa midemanda usab og P500.

Si Osmeña daan na nga miingon nga basta makadawat siya og mga report batok sa traffic enforcer, unya masuta sa pasiunang imbestigasyon nga tinuod ang reklamo, dili siya magpanuko sa pagtaktak sa  serbisyo.

Nasagmuyo kaayo si Osmeña nga adunay mga traffic enforcer nga nagtinarong pagserbisyo apan dunay uban nga magbinuang lang.

Sayo pa, si Osmeña mimando usab pagtaktak sa serbisyo ni traffic enforcer Belden Medil nga nasakpan nga mi-counterflow sa gimaneho niyang motorsiklo, nga padayong gitanggong karon sa SRP. (/IBM)(BANAT NEWS)

TRAFFIC ENFORCERS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with