Reclamation sa Minglanilla supakon

CEBU, Philippines – Maghimo og fluvial protest karong adlawa ang mga fisherfolks ug mga grupo sa mga mananagat agi og pagsaulog sa Earth Day karong adlawa nga pasiugdahan sa Pamana-Sugbo ug Pamatia-Co.

Ang ilang protesta pagpakita kini sa ilang pagsupak sa dakong reclamation project nga gikatakdang himuon diha sa maong lungsod.

Ang mga mananagat nikondenar niini kay matud pa makaguba kini sa kadagatan ug marine biodiversity nga maoy gisaligan sa ilang panginabuhian.

Ang maong lihok protesta, magsugod sa Barangay Tulay,  Minglanilla padulong sa Kawit island, dayon lahos ngadto sa Tulay- Takan, Cordova alang sa ipahigayon nga boodle fight.

Usa usab ka forum may kalabutan sa reclamation project sa Cebu ang ipahigayon sa Barangay Bangbang Covered Court sa maong lungsod.(/IBM)(BANAT NEWS)