_banat
^

Banat Balita

Move on

TINAGSIP - Vilma Andales - Banat

Nalutsan sa mga Marcos ang katawhang Pilipinhon sa paglubong na sa patay’ng lawas sa kanhi diktador nga si kanhi presidente Ferdinand Marcos sa Libingan ng mga Bayani kaniadtong Biyernes sa udto.

Gihulagway sa pipila ka biktima sa martial law nga sama sa kawatan sa kagabhion ang gihimo sa mga Marcos sa paglubong sa kanhi presidente.

Gitataw sa mga Marcos nga buot lang nila nga pribado ug hilom ang paghatod sa lubnganan sa kanhi presidente kinsa nanugon nga sa LNMB ilubong ang iyang patay’ng lawas.

Apan alang ni Senador Risa Hontiveros nilampos gihapon ang mga Marcos nga mapalusot bisan sa kamatayon ang ilang kagustohan. Natuman ang kagustohan sa mga Marcos nga malubong nga hilom ug walay samok ang patay’ng lawas sa kanhi presidente sa LNMB.

Kini tungod kay wala makalusot ang pipila ka pundok sa mga progresibo, bisan ang mga dumadapig sa mga Marcos. Nitumaw man ang gamay nga panaglalis tali sa mga supporter ug nagprotesta, apan wa kini hingpit nga makabalda sa seremonyas sa lubong. Nahatagan og full military honors isip presidente ug kanhi sundawo ang paglubong sa patay’ng lawas ni Marcos.

Sa padayong pagpangayo sa hustisya sa mga nabiktima sa pangabuso sa martial law, karong nalubong na sa LNMB ang patay’ng lawas ni anhing presidente Marcos ug sa awhag sa administrasyong Duterte nga mo "move on" na ang tanan, ilabi na ang mga nabiktima sa pangabuso sa administrasyong Marcos, maangkon ba sa nasud ang tinuod nga pasaylo ug maalim na ba ang samad sa kagahapon nga sama sa gibaliwa ra sa mga nakasala?

Mahimo nga wala nay kapuslanan ang giplanong Motion for Reconsideration ngadto sa Korte Suprema sa hukom nga pagpalubong ni Marcos tungod kay napahiluna na ang patay’ng lawas sa kanhi presidente sa LNMB.

Tingali, husto si Presidente Duterte sa panawagan nga mo "move on" na kita sa maong isyu. Kun buot hunahunaon, dili ra ang namatay nga presidente ug ang iyang pamilya ang angay natong paninglan sa hustisya, kun dili, ang tanan nga nakatampo sa katumanan sa martial law.

Apan ang nakasalikwaot, tungod kay ang kadaghanan kanila atong gihatagan sa dili lang ikaduha, kun dili, sa makadaghan nga higayon aron sila makabalik sa puwesto ug sa makadaghan nga higayon nipahimulos sa gahum ug inpluwensya, samtang ang mga ordinaryong si Juan dela Cruz, nag-antos gihapon sa kalisod.

Bisan ang pamilyang Marcos ato na nga gisaligan pag-usab sa pagdumala sa nasud. Gani hapit gyud mapili ug kuwestyonon ni kanhi senador Bongbong Marcos sa Korte Suprema ang kadaugan ni Bise-Presidente Leni Robredo. Asa man kita magsugod sa pag "move on?"

TINAGSIP
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with