_banat
^

Wa magpabakuna’g iro tiketan

Celso Amo, Cecille Suerte Felipe (Banat) - June 6, 2016 - 12:00am

CEBU, Philippines - Ang hepe sa Department of Veterinary Medicine and Fisheries sa Dakbayan sa Sugbo mosugod na og isyu og citation tickets karong bulana sa mga tawo nga nanag-iya og iro nga wala mopabakuna niini og Anti-Rabbies.

Si Dr. Alice Utlang ang pangulo sa DVMF nga nahinabi sa Banat News miingon nga prayoridad nilang suroyon ang mga barangay nga dunay positibo nga dunay kaso sa rabbies nga naglangkob sa Brgy. Apas, Tejero, Toong, Cogon, Pardo ug Kinasang-an.

Sumala pa ni Utlang, magpatawag siya og tigum karong semanaha tali sa opisyal sa maong mga barangay aron agnihon sila nga mutabang sa maong programa tungod kay aduna man usab income ang panudlanan sa barangay sa maong proyekto.

Dugang pa ni Utlang, gawas nga mo-income ang siyudad ug barangay ang maong pagpangisyu og citation tickets makatabang aron madisiplina ang mga nanag-iya og kahayupan nga dili lang sila kutob sige og buhi aduna usab silay obligasyon.

Gitug-an ni Utlang, P2 mil ang multa sa mga maisyuhan og citation tickets sa maong kalapasan, hinungdan iyang giawhag ang mga nagbuhi og kahayupan sa pagpabakuna niini.

Samtang sa Dakbayan sa Talisay, sugod sa buwan sa Hunyo mopahigayon og libreng pamakuna kontra sa rabies sa mga iro ug iring ang Talisay City Veterinarian Office.

Kini maoy usa sa ilang kalihukan labot sa pagbukas unya sa klase karong Hunyo 13 sumala pa ni Dr. Santiago Hortel, city veterinarian.

Matud pa ni Hortel nga gawas sa pagbukas sa klase ang ilang buhatan mopahigayon og libreng pagpamakuna matag buwan sa Hunyo.

Lakip na dinhi ang lecture sa rabies vaccination alang sa mga iro ug iring; deworming; vitamins implementation; castration ug dog impounding.

Siya niaghat sa mga tawo nga adunay mga iro ug iring sa pagpahimus sa maong kalihukan tungod kay libre kini.

Kun makapaak man ang iro o iring nga walay rabies vaccination mas dako ang bayranan sa nanag-iya sa mananap sa pagpatambal sa napaakan. Rowena D. Capistrano ug Gabriel Bonjoc (BANAT NEWS)

AROROY ELECTROCUTED MASBATE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with