^

Dul-an p12m shabu

(Banat) - February 3, 2016 - 9:00am

CEBU, Philippines - Usa ka gipasanginlang level 1 drug pusher ang nadakpan sa buy-bust operation kagabii diha sa Gil Tudtud Street sa Brgy. Mabolo, Cebu City ug nasakmit ang gibanabanang dul-an P12 milyones nga shabu atol sa operasyon.

Giila ang suspek nga mao si Regie Palotes,35, taga Labangon, Cebu City apan nag-abang diha sa maong lugar.

Matud pa ni Superintendent Palaleo Addag, hepe sa City Intelligence Branch sa Cebu City Police Office, duha ka semana nilang gipanid-an ang suspek human sila nakadawat og impormasyon bahin sa ilegal niining  negosyo.

Kagabii, usa ka buy-bust operation ang gilusad diin kini gipalitan og balor P7 mil nga shabu diha mismo gihimo sa giabangan niining lawak.

Ug human natunol ang drugas, gidakop kini ug dugang nakuha sa iyang posesyon ang duha ka dagkong putos nga gibanabanang molapas sa usa ka kilo ug gibanabanang mokantidad og P11.8 milyones base sa Dangerous Drugs Board nga presyo.

Ang suspek matud pang Addag sa Banat News, idlas ug pirmeng magbalhinbalhin og pwesto kun makamatikod kining init siya sa mga otoridad.

Apan si Palotes nga nakahinabi sa Banat News mihimakak nga pusher siya kay matud niya gisugo ra siya paghatud sa maong drugas bugti sa porsiyento.

Sumala pa niini, niadtong miaging adlaw lang niya nadawat ang shabu apan wala siya motug-an kinsa iyang supplier nga gihimoan pa karon sa kapolisan og followup.

Si Mabolo Brgy. Kapitan Reynaldo Ompoc nga nakahinabi sa Banat News dili katuo nga adunay bigtime drug pusher sa iyang barangay ilabi na nga dili kaayo layo ang gipuy-an sa suspek sa balay sa usa ka polis.

Matud pa niya, wala siya makaila sa suspek kay nag-abang lang kini sa ilang dapit, hinuon nalipay siya nga nadakpan kini. (BANAT NEWS)

ANG BANAT NEWS CEBU CITY CEBU CITY POLICE OFFICE CITY INTELLIGENCE BRANCH DRUGS BOARD GIL TUDTUD STREET KAPITAN REYNALDO OMPOC MATUD NGA REGIE PALOTES
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with