^

Mananagat sa Cordova nabalaka sa reclamation

Romeo Limpangog (Banat) - February 2, 2016 - 9:00am

CEBU, Philippines - Supak ang mga mananagat sa Lungsod sa Cordova sa katukuran sa lapad nga reclamation project sa ila’ng lugar.

Si Eleasar Pugoy, pangulo sa kahugpungan sa mga mananagat sa lungsod, nipadayag sa ila’ng kabalaka nga kawad-an sila og panginabuhi.

Matud ni Pugoy nga dili nila kasaligan ang gitanyag nga daku’ng kausaban sa ila’ng kahimtang sa higayon nga mahingpit na unya ang reclamation project sanglit dili gihapon sila makatrabaho gumikan sa kaubos lang sa grado sa ila’ng mga anak samtang edaran na usab sila.

Si Noe Canteveros sa Farmers Development Center (FARDEC) nipadayag sa hugtanon nga suporta sa mga gipadayag nga pagsupak sa mga mananagat.

Ang mokabat sa P138 bilyones nga reclamation project sa lungsod ubos sa public-private partnership tali sa lokal nga kagamhanan ug sa SM Prime Holdings, Inc.

Si Cordova Mayor Adelino Sitoy niingon nga ang SMPHI ang mogasto sa pag-ugmad sa 1,500 ka ektaryang  hunasan nga molungtad og walo ka tuig.

Ang liboan ka mananagat nga apektado ang hatagan og una’ng kahigayunan sa pagtrabaho uban usab niini ang pag-atiman sa ila’ng panglawas, paghatag og edukasyon ug ingon man paghatag og desente’ng panimalay nga ilang kapuy-an. (BANAT NEWS)

ACIRC ANG CORDOVA FARMERS DEVELOPMENT CENTER LUNGSOD MATUD NGA PRIME HOLDINGS SI CORDOVA MAYOR ADELINO SITOY SI ELEASAR PUGOY SI NOE CANTEVEROS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with