Bata naligsan, ulo nalagpot
Jojo C. Ugdol/RUB (Banat) - January 10, 2016 - 9:00am

CEBU, Philippines - Naputol ang liog, nabuwag ang ulo ug maayong pagkapisat ang lawas sa 6-anyos nga batang lalaki diha nga nalatayan kini sa usa ka prime mover trailer truck nga kargado og semento didto sa Barangay Tulic, Argao kagahapon.

Ang naligsan mao si Mathew Gelbolingo, taga Barangay Balisong, Argao. Ang amahan sa bata nga si Vincent, 30-anyos ug laing duha nga sila si Robert Tambal, 34 ug ang drayber sa “habal-habal” nga si Isidro Abajar, 19, nangaangol sab.

Si PO2 Howard Maynopas, desk officer sa Argao Police Station, miingon nga ang mga biktima nagsakay sa habal-habal gikan sa merkado sa Barangay Poblacion ug paingon na unta nga mopauli.

Pag-abot nila sa Barangay Tulic, ang drayber sa motorsiklo misuway og overtake sa usa ka prime mover apan napunggit kini sa gikatagbo nga awto nga gimaneho ni Adolfo Mendoza nga taga Barangay Labangon dinhi sa siyudad.

Ang bata nalagpot ug didto napasok sa ilawom sa prime mover ug nalatayan kini sa trak nga gimaneho ni Soldero Capanay nga taga probinsya sa Negros.

Sigun pa ni PO2 Maynopas nga nabuwag sa lawas ang ulo sa bata ug napisat ang lawas tungod sa kabug-at sa trak nga puno sa mga semento.

Ang tulo ka samaran gipangdala sa tambalanan dinhi sa siyudad aron matambalan. Ang drayber sa trak ug awto giawhag nga dili mobiya sa police station.

Sutaon sa kapolisan karong adlawa kun ang tagtungod sa bata ingon man ang ubang samaron mopasaka ba og kaso sa duha ka drayber.  (BANAT NEWS)

ADOLFO MENDOZA ANG ARGAO ARGAO POLICE STATION BARANGAY BALISONG BARANGAY LABANGON BARANGAY POBLACION BARANGAY TULIC HOWARD MAYNOPAS ISIDRO ABAJAR NGA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with