_banat
^

Banat Balita

Abusadong drayber ipa-report sa LTFRB

Romeo Limpangog - Banat

CEBU, Philippines – Giawhag sa Land Transportation Franchising and Regulatory Board-7 ang sumasakay sa pagsumbong sa ilang buhatan batok sa mga mapahimuslanong drayber sa public utility jeepneys ug taxi.

Kini nunot sa nasinati nga kalisud sa pagsakay gumikan sa ka baga sa duot sa katawhan gikan ug paingon motambong sa misa nobenaryo sa Basilica Minore del Santo Niño.

Si LTFRB-7 Director Reynaldo Elnar niingon nga andam kanunay ang ilang buhatan sa paghatag og dinalian nga pagtagad sa ipadangat sa mga pasahero nga reklamo batok sa abusado nga mga drayber.

Sagad nga himuon sa mga drayber mao ang trip cutting o dili paglahos sa ilang mga rota alang sa mga PUJ samtang ang mga taxi drayber gawas nga dili mouli og P10 sa plete, dili pa gyud mogamit sa ilang metrohan ug makigsabot lang sa pasahero nga pakyawon sa katarungan nga maalkansi kay sa pagpauli mabasiyo na.

Sa PUJ himuon usab ang overloading pinaagi sa pagpakapyot ug pagbutang og extension nga lingkuranan.

Pipila ka konduktor gawas nga mokolekta og sobra sa minimum nga pletehan, dili pa gyud mohatag og 20 porsiyento nga diskwento ngadto sa mga senior citizens o mga tawo nga may kabilinggan sa paglawas sama sa buta, bakol ug uban pa.

Gitataw ni Elnar nga mopahamtang gyud og silot ang ilang buhatan batok niadtong mga drayber nga nakahimo sa kalapasan pinaagi sa pagpabayad og dakong kantidad nga salapi isip multa o pagkanselar sa lisensiya. (/GMR) (BANAT NEWS)

ANG ATILDE BASILICA MINORE DIRECTOR REYNALDO ELNAR ELNAR GIAWHAG GITATAW LAND TRANSPORTATION FRANCHISING AND REGULATORY BOARD MGA NGA SANTO NI
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with