Flashlight ang nakaingon sa sunog?

CEBU, Philippines – Flashlight nga gi-charge ug gibiyaan maoy gituohan nga nakaingon sa sunog nga miugdaw og usa ka balay didto sa Barangay Lepanto, Alegria kaniadtong Biyernes sa kaadlawon.

Ang balay nga nasunog gipanag-iya ni Jesus Alcibar Sr., 81.

Nasuta sa imbestigasyon nga ang apo ni Alcibar nag-charge og flashlight sa iyang kwarto nianang Huwebes sa gabii ug gibiyaan.

Didto sa maong kuwarto nagsugod ang kayo. Kay ginama ra man sa light materials ang balay, dali ra kini nga misilaob ug naugdaw.

Mikabat g’yud og P90 mil ang danyos sa maong sunog ug wala hinooy naangol sa maong hitabo. – /RUB) (BANAT NEWS)