^

Banat Balita

Bangga sa Taytayan

Jojo C. Ugdol - Banat

CEBU, Philippines – Usa ang patay samtang 13 ang naangol human gidaro sa usa ka Toyota Revo AUV ang duha ka motorsiklo ayha pa kini milupad gikan sa railings ug natagak sa taytayan diha sa Tapon-Tangi Bridge sa Barangay Tapon lungsod sa Dumanjug sa nakalabay nga hapon.

Patay atol sa aksidente si Amancio Tampus Jr., 23, drayber sa nadasmagang motor nga taga Barili ug nakaangkon usab og bali sa lawas si John Michael Tejas, 25, drayber sa laing motor nga taga Ronda.

Samtang nalandig usab sa tambalanan ang usa ka pamilyahan nga maoy nagsakay sa Toyota Revo nga sila si Rodulfo Cabante, 60, drayber niini, Rusziel Cabante, 20, Carmencita Cabante, 58, Calesh Cabante, 2, Lady Bacalla, 6, Japheth Cabante, 15, Rudytha Cabante, 18, Rudgine Cabante, 23, Andrie Gabiana , 5, Marmel Cabante, 31, Dan Kaizer Noynay, 1 ug si Police Officer 2 Gretel Cabante, 32, nga sakop sa SWAT team sa Cebu City Police Office. Matud pa ni Senior Police Officer 3 Florencio Clarion sa Dumanjug Police nga apil sa nakaresponde sa maong hitabo, gikan ang pamilyang Cabante sa bukirang bahin sa Ginatilan ug nanghapit sa Malabuyoc Spring  una pa namauli balik sa Dakbayan sa Sugbo.

Apan pag-abot sa maong taytayan, gilikayan matud pa sa AUV ang mga tawo nga naglakaw daplin sa taytayan apan didto hinuon kini nasampak sa gikasugat  nga motorsiklo nga gimaneho ni Tampus ug ingon man sa nagsunod nga si Tejas.

Gumikan sa kakusog sa pagbangga nawad-an og kontrol si Rodulfo ug didto kini milahos sa kongkretong railings sa tulay nga milupad dayon katagak didto sa ubos.

Apil sa natagak sa taytayan ang drayber sa motorsiklo nga si Tampus human kini nataban sa sakyanan samtang nagbitay ang iyang motorsiklo sa tulay.

Human sa hitabo naglisod og gawas sa sakyanan ang pamilyang Cabante human sila na trap. Samtang si PO2 Cabante way nahimo pagtabang sa mga kabanay tungod kay dili kini makamao molangoy.

Maayo na lang kay duna’y duha ka mga mananagat nga nakakita sa hitabo ang dali nga nakalayat sa tubig ug maoy namunlot sa mga sakay sulod sa sakyanan, ilabina sa mga gagmay nga mga bata uban sa pagtabang sa ubang mga residente sa lugar. Sumala pa ni Clarion nga swerte lang kay daku ang tubig ilawom sa tulay atol sa pagkatagak sa sakyanan kay kabatohan ang ilawom niini kun hunas.

“Kung hunas pa, murag daghang patay, daghan  ra ba’ng mga bata kauban nila, tan-aw nako posibleng kusog dagan nila kay milapos man gyud sa railings sa tulay ang Revo,” sumala pa ni Clarion.

Sa pagkakaron wala pa mireklamo ang pamilya sa namatay ingon man ang pamilya sa drayber nga nabalian.

Nahinabi na usab ni SPO3 Clarion si PO2 Cabante ug kini mitug-an nga luwas na sa peligro ang iyang mga sakop sa pamilya apan nagsuka-suka lang ang mga bata kay kini nakainom og daghang tubig. – /EIM) (BANAT NEWS)

AMANCIO TAMPUS JR.

ANDRIE GABIANA

ANG

BARANGAY TAPON

CABANTE

CALESH CABANTE

CARMENCITA CABANTE

CEBU CITY POLICE OFFICE

MGA

NGA

TOYOTA REVO

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with