Nakabangga og bata “pusher” diay
Ni Bryner L. Diaz (Banat) - November 2, 2015 - 9:00am

CEBU, Philippines – Nadakpan ang gidudahang drug pusher nga nag-operate sa Ikatulong Distrito sa lalawigan sa Sugbo human kini milihay sa usa ka checkpoint kay natumba siya human nakabangga og batang babaye diha sa barangay Sta. Lucia sa lungsod sa Asturias. Nagtingkagol sa prisohan si Alger “Moklo” Peñalosa, 21, human nga nakuhaan og armas ug drugas dihang nadala kini sa tambalanan kauban ang nabanggaan niya nga bata.

Si Senior Inspector Narciso Abapo, hepe sa Asturias Police Station nga nahinabi sa Banat News miingon nga nakadawat sila’g impormasyon nga dunay usa ka notadong drug personality nga gikatakdang moagi sa Asturias niadtong mga orasa.

Usa ka team inabagan sa militar ang mipahigayon og checkpoint sa nahisgutang barangay  ug tuod man ilang nabantayan ang usa ka motor nga miaksyon og balik sa agi hinungdan nga ilang gitimbrihan ang advance party sa kapolisan nga magbantay sa maong motor.

Ang maong motor gikan sa Tuburan padulong sa Asturias proper apan mituyok kini pagkakita sa checkpoint apan sa pagtuyok niini nabanggaan ni Peñalosa og 2-anyos nga batang babaye hinungdan sa paglukapa sa iyang motor. Sa pagduol sa mga polis ilang nabantayan ang nagbagal nga hawak sa suspek apan dihang gipaisa iyang sinina nakita nila ang kalibre .357 revolver nga gitakin niini. Tungod sa iyang pangos ug sa batang iyang nadasmagan, gidala sila ngadto sa Asturias Infirmary  apan nahibulong ang mga polis nganong wala gyud buhii ni Peñalosa iyang bag.

Sa pagdala na sa suspek ngadto sa police station ug sa paghiling sa kapolisan sa iyang gamit nasuta nga may sulod kini nga duha ka medium packs ug 40 ka gamay nga pakete nga gidudahang shabu ug drug paraphernalia nga mokantidad tanan og P146 mil nga miabot og 112.4 gramos.

Nasuta sa kapolisan nga may warrant of arrest sa lungsod sa Tuburan sa kasong pagpayuhot og drugas ang suspek ug gidudahan nga siya ang supplier sa drugas sa tibuok distrito. – /EIM) (BANAT NEWS)

ALGER ANG ASTURIAS ASTURIAS INFIRMARY ASTURIAS POLICE STATION ATILDE BANAT NEWS IKATULONG DISTRITO NGA SI SENIOR INSPECTOR NARCISO ABAPO TUBURAN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with