^

Naanod sa Butuanon River patay na

(Banat) - October 8, 2015 - 10:00am

CEBU, Philippines - Patay na nga napalgan kagahapon sa hapon ang lalaking gianod sa Butuanon River gikan sa sitio Salvacion, barangay Maguikay, dakbayan sa Mandaue.

Ang pangulo sa  City Disaster Risk Reduction and Management Council (CDRRMC) Felix Suico miingon nga napalgan si Faustino Tinoy Tulod, 73, nga naglutaw na sa Mactan Channel habig sa barangay Looc.

Si Suico miingon nga styrophor lang maoy gihimong sakayan sa biktima paghatud sa mga molabang sa pikas tampi kun dako ang tubig sa Butuanon River. Dugang pa ni Suico mitabok sa pikas tampi si Tulod ug dunay karga nga lawog sa baboy nga gisud sa balde.

Apan gikatahong nabuhian niini ang balde ug sa pagsuway niini og kab-ot natikwang ang iyang gisakyan hinungdan nga naanod paubos.

Sa laing bahin, gibasol sa mga residente sa Jaclupan sa dakbayan sa Talisay ang QM Builders nga maoy kontraktor sa gihimong karsada sa ilang dapit tungod kay mubo kaayo ug daling malapawan sa tubig ang gihimong alternatibong agianan nga usa ka spillway tabok sa Mananga River.

Si barangay kapitan Joel Orbiso miingon nga nahasol na usab sila sa road widening project sa Department of Public Works and Highways nga gitrabaho sa maong kontraktor tungod kay pwerte nang dugaya ang proyekto apan wala pa gihapon mahuman.

Gusto ni Orbiso nga patas-an ang spill way aron dili na malapawan sa tubig nga nakaingon sa pagkatanggong sud sa upat ka oras sa mga molupyo dihang misuyla ang tubig sa miaging adlaw.

Apan si Willie Abatayo, project supervisor sa QM Builders miingon nga lisod buhaton ang sugyot sa kapitan tungod mameligro ang 12 ka panimay kilid sa sapa.

Si Abatayo mipasabot nga di nila mapaspasan ang trabaho tungod kay wa pa silay permit nga malabayan sa yuta nga ilang makubkob ug aduna pay daghang mga punoan sa kahoy nga maigo.

Samtang si Bise Mayor Romeo Villarante mopatawag kang Allan Quirante, ang tag-iya sa QM Builders, City Disaster Risk Reduction and Management Council ug taga DPWH aron tukion ang problema.

Matud pa ni Villarante dili tiaw ang problemang nasinati sa mga tawo sa kabukiran tungod sa maong proyekto. (BANAT NEWS)

ALLAN QUIRANTE ANG APAN BISE MAYOR ROMEO VILLARANTE BUTUANON RIVER CITY DISASTER RISK REDUCTION AND MANAGEMENT COUNCIL DEPARTMENT OF PUBLIC WORKS AND HIGHWAYS FAUSTINO TINOY TULOD FELIX SUICO JOEL ORBISO NGA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with