^

Banat Balita

Mga residente nahadlok

Jojo Ugdol - Banat

CEBU, Philippines – Gumikan sa kahadlok sa yuta na lang natulog kilid sa ilang balay ang pamilya nga Llanto nga usa sa mga nagpuyo kilid sa usa ka subdivision nga gitukod diha sa sitio Kalubihan, barangay Casili dakbayan sa Mandaue.

Kini human nga natabunan og yuta ang usa ka balay sa ilang silingan niadtong nakalabay nga hapon ug mikalas sa kinabuhi ug miangol sa laing duha ka managsuon.

Sa pakighinabi sa Banat News ni Paz Llanto, 49, nga usa sa pamilya nga nagpuyo sa maong lugar nasagmuyo sila sa developer sa gitrabaho nga subdivision tungod sa nahitabo.

Niadtong nakalabay nga gabii napugos og katulog sa yuta nga naghapin og karton kauban ang iyang pamilya kay nahadlok silang masusama sa pamilyang  Cariquitan diin usa nila ka sakop ang nakalas nga mao si Vicente Cariquitan Jr., 13, ug angol ang iyang duha ka igsuon nga sila si Vladimir, 19, nga naipit ang tiil sa dakung bato ug Crislie, 3. Gihimakak usab niya nga daan na silang gipasidan-an  bahin sa pagtrabaho sa maong subdivision nga delikado ang ilang gipuy-an ug kinahanglan sila nga magbantay. Ang Banat News sulay unta nga mibisita sa bunk house sa nagtrabaho sa subdivision apan wala’y miatubang nga tawo nga pwedeng makatubag kay pulos daw nanglakaw ilang kadagkoan.

Gibutyag ni Atty. James Abadia, City Legal Officer gimandoan na ang City Planning and Development Office ug City Engineers Office pagsusi nganong nahitabo ang pagdahili sa yuta. Gawas sa imbestigasyon nga himoon, gimanduan na usab nila ang disaster team sa siyudad sa paghimo og assessment sa lugar aron pagsusi kun adunay angay ibalhin og kapuy-an.

Si Felix Suico Jr., pangu sa Disaster Team sa  siyudad mihulagway sa lugar nga nahitabo nga delikado tungod kay naa kini sa tiilan sa riprap ug wala silay nakitang mitigation measures nga gihimo alang sa kaluwasan sa mga residente.  – Decemay Padilla ug Romeo Limpangog/EIM) (BANAT NEWS)

ANG

ANG BANAT NEWS

BANAT NEWS

CITY ENGINEERS OFFICE

CITY LEGAL OFFICER

CITY PLANNING AND DEVELOPMENT OFFICE

DECEMAY PADILLA

DISASTER TEAM

JAMES ABADIA

MANDAUE

NGA

PAZ LLANTO

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with