_banat
^

Mga kritiko ni Davide gilabtikan

Brenda Batuto (Banat) - August 19, 2015 - 10:00am

CEBU, Philippines - Gipanglabtikan ni Gobernador Hilario Davide III ang iyang mga kritiko atol sa State of the Province Address (SOPA) kagahapon sa hapon nga gipahigayon diha sa Capitol Social Hall.

Walo ka higayon niyang gibalikbalik sa pag-ingon ang mga  pulong nga “si Davide walay nahimo” nga matud pa niya maoy pirmeng ipasangil kaniya.

Apan sulod sa 56 minutos, sa 19 ka pahina niyang giandam nga basahon  gitagsatagsa ni Davide pagsulti ang mga kaayohan nga nabuhat sa probinsiya sa iyang administrasyon nga gipakpakan usab ka 46 ka higayon sa mga nanambong.

Apan sa matag karon ug unya sa iyang pagbasa walo ka higayon niyang gibalik-balik  pagpasupot ang “si Davide walay nahimo.”

Sa pakighinabi sa gobernador sa mga tigbalita nagkanayon kini nga ang maong mga pulong maoy gisulti sa mga tawo nga wala mahimuot kaniya.

“Mao man nay ilang criticism nako kadtong wala mahimuot nato, kadtong wala malipay sa atong gibuhat miingon sila nga walay nabuhat si Davide pero sa akong saysayan nahibaw-an nga dunay nabuhat,” ni Davide pa.

Kagahapon naapil sa SOPA sa gobernador ang kontrobersiyal nga Cebu International Convention Center (CICC) diin matud niya “the Cebu International Convention Center  is a P840 million  mistake that we inherited…. subject to investigation on suspicion that it’s construction in 2006 was tainted with corruption, CICC was never my priority.”

Sa ubang tipik sa SOPA kagahapon ang gobernador nagkanayon nga ang “good governance is good politics” tungod kay ang tanang Sugboanon makasalmot sa kalihukan ug makatagamtam sa mga benepisyo.

Kagahapon giyagyag sa gobernador ang mga kalamboan sa probinsiya lakip niini ang health ug social services aron mahatagan og maayong serbisyo sa panglawas ang katawhan ilabi na kadtong mga kabus  ug ang mga kalamboan sa imprastraktura sa kalungsuran, agrikultura ug uban pa.

Si Mayor Valdemar Chiong sa dakbayan sa Naga kinsa kaalyado sa Alayon Party nagkanayon nga sa ilang lungsod, daghang natabangan sa mga proyekto sa gobernador ilabi na sa agrikultura. Si Bokal Sun Shimura kinsa kaalyado sa One Cebu Party nagkanayon usab nga ang tanang gipanulti sa gobernador sa iyang SOPA “realistic.”

Gibutyag ni Shimura nga ang iyang buhatan gihatagan kini og bahin nga pundo sa 20 porsiyento sa development fund sa gobernador.

Ang kabarangayan usab sa iyang distrito nakadawat usab og mga kaayohan gikan sa Kapitolyo. (BANAT NEWS)

ACIRC ALAYON PARTY ANG APAN CAPITOL SOCIAL HALL CEBU INTERNATIONAL CONVENTION CENTER GOBERNADOR GOBERNADOR HILARIO DAVIDE KAGAHAPON MGA NGA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with