Bank robbery exercise

(Banat) - July 29, 2015 - 10:00am

CEBU, Philippines - Ang Regional Intelligence Division 7 mihimo og bank robbery simulation exercises sa Fuente Osmeña Rotunda alas 10:30 kagahapon sa buntag aron makita ang kaandam sa kapulisan sa dakbayan sa Sugbo kung duna’y mamahimong susamang hitabo.

Upat ka mga nagpatuong tulisang nagsakay sa duha ka motorsiklo ang nitulis sa usa ka bangko kagahapon sa buntag alas 10:33.

Human sila nakabiya sa bangko misutoy sila og padagan palayo, samtang ang bangko mitawag gilayon og tabang sa Fuente Police Station ug sila mihatag unsay deskripsyon sa mga tulisan. Ang Fuente Police Station mipahibalo sa Mobile Patrol Group sa Cebu City Police Office (CCPO) nga dali ‘sab nga mitawag sa mga patrol cars nga nag roving sa kadalanan sa dakbayan.

Ang kapulisan dali dayong mi-activate sa “Oplan Universe” , usa ka plano diin tanang polis sa tibuok siyudad ug kasikbit nga mga lugar motabang sa pagbutang og blockades sa kadalanan aron madakpan ang mga tulisan. Pipila ka minutos ang mga imbestigador sa Police Station 2 ang naabot sab dayon sa bangko nga gitulis aron mokuha og impormasyon sa mga tulisan samtang ang ubang polis ang nagpadayon sa hot pursuit operation.

Alas 10:44 ang upat ka mga tulisan ang nadakpan sa mga polis nga nagpatrolya sa P. del Rosario Street samtang ang ubang mga suspek nadakpan sa Ayala Access Road alas 10:45 sa buntag.

Si Police Regional Office 7 Director, Chief Supt. Prudencio Bañas miingon nga ang gihimong pagresponde sa kapulisan sa CCPO atol sa gihimong simulation exercises pasado ug nasulod sa oras nga anaa sa time frame sa kapulisan.

Matud pa ni Bañas nga nindot ang gipakita sa kapulisan sa maong hitabo apan duna pa gayo’y angayan nga palambuon.

 “There’s always room for improvements as we go along, as we conduct these exercises. We look forward na masanay sila sa ganito,” matud pa ni Bañas.

Gipasabot ni Bañas nga tumong sa maong kalihokan nga mabansay ang kapulisan sa mga panghitabo sama sa mga dagkong tulis ug masuwayan ang ilang kapabilidad.

Dugang pa ni Bañas nga ang maong simulation exercise tipik ug kabahin sab kini sa pagpangandam sa kapulisan alang sa nagkaduol nga Asia Pacific Economic Cooperation Summit sa Agosto 22.

Apan kun si Konsehal Dave Tumulak sa dakbayan sa Sugbo maoy pangutan-on, matud pa niya kinahanglang palambuon pa sa kapolisan ang ilang komunikasyon tungod kay na-monitor nila sa City Command Center nga nagsapaw-sapaw ang tawag sa radio.

Wa hinuon siyay kuwestyon sa pamaagi sa pagresponde sa mga polis gawas lamang sa kakuwang sa koordinasyon sa ilang komunikasyon. (BANAT NEWS)

ACIRC ANG ANG FUENTE POLICE STATION ANG REGIONAL INTELLIGENCE DIVISION ASIA PACIFIC ECONOMIC COOPERATION SUMMIT ATILDE AYALA ACCESS ROAD CEBU CITY POLICE OFFICE CHIEF SUPT MGA NGA
Philstar
  • Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with