_banat
^

Banat Balita

DENR miisyu og CDO sa tambalanan

Decemay P. Padilla ug Brenda Batuto/EIM - Banat

CEBU, Philippines - Giandam na sa Department of Environment and Natural Resources sa rehiyon ang tulo ka kaso batok sa mga namutol sa 65 ka mga punuan sa kahoy sa pampublikong lugar sa lungsod sa Pinamungajan.

Ang DENR-7 una na nga nipagawas og Cease and Desist Order (CDO)ngadto sa Chief of Hospital sa Dr. Ma. V. Borromeo Memorial Hospital sa Pinamungajan aron di pamutlon ang nahibiling 20 ka mga punoan sa Mahogany ug Gemelina.

Dunay 85 ka mga punuan sa maong mga kahoy sa palibot sa maong tambalanan.

Si Eddie Llamedo, tigpamaba sa DENR-7 mibutyag nga nahibaw-an nila nga gipamutol na ang 65 ka mga kahoy alang sa expansion sa tambalanan sugod niadtong buwan sa Enero hinungdan sa pagpagawas nila og CDO.

Matud sa DENR, walay cutting permit gikan sa ilang buhatan ang pagpamutol niini, ug kini way clearance gikan sa National Office ug sa ilang munisipyo.

Gipangita na kun kinsa ang namutol ug ang nagsugo kanila ug kinsa ang nagbaligya sa mga pinutol nga kahoy aron pasakaan og  kasong kalapasan sa Presidential Decree 705, Republic Act 3571 ug Presidential Decree 953.

Apan si Provincial Engineer Hector Jamora nagkanayon nga dunay cutting permit gikan sa Community Environment and Natural Resources Office (CENRO) sa Toledo. (BANAT NEWS)

BORROMEO MEMORIAL HOSPITAL CEASE AND DESIST ORDER CHIEF OF HOSPITAL COMMUNITY ENVIRONMENT AND NATURAL RESOURCES OFFICE DEPARTMENT OF ENVIRONMENT AND NATURAL RESOURCES DR. MA NATIONAL OFFICE PINAMUNGAJAN PRESIDENTIAL DECREE
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with