^

Magpahimulos sa hinabang gipabantayan

Brenda Batuto (Banat) - January 4, 2015 - 12:00am

CEBU, Philippines -  Gimandoan ni Gob. Hilario Davide III ang Provincial Social Welfare and Development Office (PSWDO) nga mohimo og sistema sa pag-apod-apod sa hinabang aron wala’y moreklamo nga biktima sa bagyo.

Kini human giingong duna’y nagpahimulos sa higayun ug magbalikbalik sa pagpangayo og hinabang samtang ang uban wala pa makadawat.

Ang gobernador dili buot makadungog og reklamo gikan sa uba’ng biktima nga wala makadawat og hinabang.

Matud ni Davide nga buot niya nga ang tanang nanginahanglan makadawat sa tabang gikan sa probinsiya.

Niadtong milabay’ng adlaw, 10,000 ka relief packs ang naapod-apod sa kagamhanan sa probinsiya ngadto sa mga lugar nga naapektohan sa bagyong Seniang.

Ang Public Information Officer (PIO) sa probinsiya nga si Ethel Natera nibutyag nga ang lungsod sa Alcantara, Dumanjug ug Ronda nga grabeng naapektohan sa bagyo maoy unang gihatdan og hinabang.

Si Mayor Mariano Blanco III sa Ronda nibutyag nga gawas sa kagamhanan sa probinsiya dunay mga non-government organizations (NGO) ang nanghatag usab og tabang sa mga biktima sa bagyo.

Matud niya nga wala siya’y nadawat nga reklamo gikan sa mga biktima sa bagyo nga wala mahatagi og hinabang.

Sa laing bahin, ang mga biyahedor og mga utanon ug ubang pasahero nangreklamo tungod sa hasol sa pagbalhin-balhin og kasakyan aron lang makatabok sa naputol nga tulay sa Dumlog, lungsod sa Sibonga.

Si Natera nagkanayun nga ang matag habig sa naputol nga tulay gipabutangan og tulda isip waiting area nga kapasilongan sa mga pasahero.

Niadtong Biyernes ang Department of Public Works and Highways nagsugod na sa paghakot og mga materyales alang sa himuo’ng steel bridge.

Ang DPWH nisaad nga sa dili pa ang Sinulog humanon nila ang pagpabarug sa steel bridge. Ang steel bridge   makadaug og 10 ngadto sa 5 toneladas nga gibug-aton sa sakyanan nga moagi. (BANAT NEWS)

ANG PUBLIC INFORMATION OFFICER DEPARTMENT OF PUBLIC WORKS AND HIGHWAYS ETHEL NATERA HILARIO DAVIDE MATUD NIADTONG BIYERNES PROVINCIAL SOCIAL WELFARE AND DEVELOPMENT OFFICE RONDA
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with