^

Banat Balita

Budlaan falls gitinguhang panindoton

Khacel Anne Sanchez - Banat

CEBU, Philippines - Nagtinguha ang kagamhanan sa dakbyan sa Sugbo nga ugmaron ang nindot nga falls nga nahimutang sa bukirang barangay sa Budlaan.

Si acting Mayor Edgar Labella ang nangulo sa  pagbisita sa lugar kagahapon sa buntag aron personal nga makita ang kanindot niini.

Nakita nga lisud ang agianan padulong sa lugar.

Matud ni Budlaan Barangay Kapitan Nerissa Antolijao nga bisan pa sa kalisud sa dalan padulong sa falls daghan gihapon ang mga turistang lokal ug langyaw ang mobisita sa maong falls.

Libre ang pagbisita sa lugar sumala pa ni Antolijao. Nagsugod og dagsa ang mga turista niadtong 2005.

Ang pagkamatay sa usa ka estudyante nga naligo sa lugar wala nakapahunong sa mga mobisita.

Gusto sa kapitan nga panindoton ang dapit ug kung mamahimo mabutangan nila og cottages ang palibot sa falls arun aduna’y mapahulayan ug makan-an ang mga bisita.

Plano usab nga butangan og permanenteng sementado nga agianan padulong sa lugar nga luwas alang sa tanang gustong mobisita.

Matud ni Antolijao nga kutob ra sila sa plano kay wala’y budget ang ilang barangay alang niini. Nanghinaut ang kapitan nga mahatagan na og tubag ang iyang pangandoy human sa pagbisita ni Labella.

Nipasalig sa Labella nga andam siya motabang sa barangay sa ilang mga plano.

Giawhag ni Labella ang kapitan nga mopasar og resolusyon nga ipadangat sa iyang buhatan. (BANAT NEWS)

ANTOLIJAO

BUDLAAN

BUDLAAN BARANGAY KAPITAN NERISSA ANTOLIJAO

GIAWHAG

MATUD

MAYOR EDGAR LABELLA

NAGSUGOD

NAGTINGUHA

NAKITA

  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with