CEBU, Philippines- Lokal nga grupo sa mga tulisan ang gisubay karon sa Provincial Intelligence Branch (PIB) nga posibleng mao’y mitulis sa usa ka pawnshop sa lungsod sa Balamban niadtong Domingo.
Sumala pa ni Supt. Rodolfo Albotra, hepe sa PIB, nga lima ka tawo ang ilang gisundan ug ilang sutaon kung may lain pa’ng sakop ang maong grupo.
Apan gipasabot sa opisyal nga wala nila gipadaplin ang anggulo nga inside job ang maong panghitabo ug apil kini sa ilang gihimong imbestigasyon.
Ang kuha sa close circuit television (CCTV) camera ang gitinguha sa PIB nga masusi sanglit daku kini og matabang sa ilang imbestigasyon.
Wala hinoon gibutyag kung asa nag-base ang lokal nga grupo samtang nagpadayon ang follow-up operation.
Apil sab nga gustong mahibaw-an ni Albutra kung unsa ka dali nga naka- responde ang mga polis sa maong lungsod human mitumaw ang maong tulis.
Apan gipasabot ni Albotra nga ila unang unahon ang pagsulbad sa kaso una pa mailhan kung may manubag ba sa maong insedente. - /GMR) (BANAT NEWS)