_banat
^

Banat Balita

Vans nga nagdala og shells gisakmit

Jesa R. Ebina - Banat

CEBU, Philippines - Usa ka van nga nagkarga og mga bayanan sa gituohang Capisnon shells gikan sa Ilo-Ilo ang gi-hold sa buhatan sa Carmen Police Station kagahapon sa buntag nga dad-on unta sa dakbayan sa Sugbo.

Mitawag sa opisina ni Loy Madrigal sa Cebu Provincial Anti Illegal Fishing Task Force ang buhatan sa Bureau of Fisheries and Aquatic Resources  sa lungsod sa Ilo-Ilo ug mipahibalo kaniya nga dunay duha ka vans nga aduna’y karga nga mga bayanan sa Capisnon nga paingon sa dakbayan sa Sugbo apan wala’y permit gikan kanila.

Tungod niini, nagpahigayon sila og highway inspection sa lungsod sa Carmen ug diha nila kini nasakmit, ang duha ka drayber niini gipugngan karon sa maong police station hangtud nga dili sila makapresentar og legal nga mga papeles sa pagdala sa maong mga shells.

Nasuta usab nga wala midayon pagbiyahe ang kauban niining usa ka van gikan sa Ilo-Ilo.

Matud ni Madrigal nga kung aduna na’y mapakita nga permiso ug mga papeles ang mga nasikop pwede na nila kining buhian kay dili matud pa ilegal ang pagpanguha sa mga bayanan sa Capisnon shells.

Capisnon shells ang klase sa clams nga gigamit nga raw materials paghimo og mga adorno sa mga balay ug gigamit usab sa mga artists sa ilang mga arts sukad pa sa karaang panahon.

Ang lalawigan padayong nangusog batok sa ilegal nga pagkuha sa mga nameligro nga kahayupan sa nasud inubanan sa kooperasyon sa Department of Environment and  Natural Resources ug uban pang sektor sa gobiyerno nga mamahimong makatabang sa maong mga lakang.  (BANAT NEWS)

BUREAU OF FISHERIES AND AQUATIC RESOURCES CAPISNON CARMEN POLICE STATION CEBU PROVINCIAL ANTI ILLEGAL FISHING TASK FORCE DEPARTMENT OF ENVIRONMENT ILO-ILO LOY MADRIGAL NATURAL RESOURCES
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with