Kadto rang apil sa video ang ipakiha
Bong Soriano, Decemay P. Padilla (Banat) - June 28, 2014 - 12:00am

CEBU, Philippines - Dili gusto ni Cordova Mayor Adelino "Addie" Sitoy nga apilon sa pagpasaka og kaso ang mga ginikanan sa mga menor nga nalambigit sa cyber pornography nga gibuhat sa nadakpang Australian nga si Peter James Robinson sa usa ka resort sa maong lungsod.

Gusto  sa mayor nga kadto lamang mga ginikanan nga nakita sa video nga naapil uban sa ilang mga anak nga mipakita sa ilang hubo nga lawas  ang angayang pasakaan og kaso. Matud pa ni Sitoy ang uban naengganyo lamang niini gumikan sa kawad-on ug hinungdan nga kini napugos sa pagpakuyog sa ilang mga anak ngadto sa suspek.

Kung mabilanggo ang mga ginikanan sa mga batang naluwas gikan sa mga kamot sa suspek, wala nay moatiman sa ilang mga nahibiling mga anak.

Si Mayor Paz Radaza sa dakbayan sa Lapu-Lapu daan nang mipadayag nga pabor siya nga iapil ang mga ginikanan sa mga batang naluwas sa pagpasaka og kaso aron dili na kini sundon sa uban.

Gimando karon ni Sitoy ang tanang mga tag-iya sa mga hotels, resorts ug mga pension houses sa lungsod sa Cordova nga dili bastabasta modawat og mga kliyente nga kadudahan ang mga lihok ilabi na kung magdala og mga menor de edad.

Si Robinsons ug ang duha ka tomboy nga gituohang bugaw gipasakaan na og kasong Kalapasan sa RA 7610, Expanded Human Trafficking ug kalapasan sa Child pornography diin anaa karon gikustodiya sa Cordova police station, samtang ang mga batang naluwas anaa kini gipahimutang sa DSWD sa dakbayan sa Lapu-Lapu.

Sa laing bahin, si Senior Inspector Alexander Nuñez hepe sa Cordova Police Station masaligon nga lig-on ang ilang kaso tungod nakita man gyud sa Universal Serial Bus sa suspek nga dunay mga hulagway sa mga menor de edad ug gituohang ilang mga inahan nga naghubo.

Matud pa niya nga may tulubagon sa balaod ang mga ginikanan nga misugot nga maghimo og law-ay nga binuhatan ang ilang mga anak. Kadtong mga hamtong nga mga babaye giingong mga taga dakbayan sa Lapu-Lapu.

Samtang ang abogado ni Robinson nga si Atty. Ferdinand Dungog mikwestiyon sa pagsikop sa iyang kliyente kay wala may warrant ang mga tinugyanan sa balaod.

Matud pa ni Dungog nga atol sa pagkasikop sa langyaw walay ilegal nga gihimo si Robinson ug dunay kauban nga mga ginikanan ang mga menor de edad diha sa resort.(/EIM)(BANAT NEWS)

CORDOVA CORDOVA MAYOR ADELINO CORDOVA POLICE STATION EXPANDED HUMAN TRAFFICKING FERDINAND DUNGOG LAPU-LAPU MATUD SITOY
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with