Vendor og saging gilugos

CEBU, Philippines - Nalandig sa tambalanan ang usa ka manindahay og saging human gilugos ug gikulata pasado alas -3  kagahapon sa kaadlawon diha sa Lower Britanya barangay Lahug ning dakbayan.

Ang biktimang si Liza (tinuod pangalan gitago) nagpangidaron og 33-anyos ang mireklamo nga gipahimuslan siya sa iyang silingan nga nailhang si Otik.

Ang biktima mitug-an nga nakamata siya gikan sa pagkatulog dihang misulod ang suspek nga pwerteng huboga sa ilang balay ug dihang iyang gipangutana giingong midiskarte kining nahigugma kaniya.

Nakurat na lang siya sa sunod nga gibuhat sa suspek ug bisan giunsa niya pagbalibad ug sukol gilayog siya niini ug gikulata ug milampos sa paglugos            kaniya.

Diha pa lang nakamata ang kaubang babaye sa balay dihang misiyagit ang biktima og tabang ug sa pagsusi nagkadugo na kini og pwerteng bun-oga. (BANAT NEWS)