SUV napasok sa trak
Lesley Caminade-Vestil (Banat) - September 22, 2013 - 12:00am

CEBU, Philippines - Usa ka sports utility vehicle ang napasok sa usa ka trak de karga diha sa dalan S. Osmeña ning dakbayan sa Sugbu kagahapon sa kaadlawon.

Ang biktima nailhan nga si Joshua Talon Jr. nga base sa iyang ID trabahante kini sa BDO SM branch.

Matud pa sa unang nakakita nga si Eduardo Tanghinan, nakit-an niyang daw naaberya ang 10-wheeler truck nga gitulod sa mga tawo.

Apan kalit lang nga milanog ang kusog nga paka nga daw nagbanggang mga puthaw ug nabuak nga samin ug sa iyang pagtan-aw napasok na ang Ford Everest nga gimaneho ni Talon ngadto sa 10-wheeler truck.

Tungod sa maong panghitabo ang biktima maayong pagkapiit sa iyang sakyanan nga nalusot sa ilalom sa maong truck.

Ang Emergency Rescue Unit Foundation ug Bureau of Fire Protection nagtinabangay sa pagluwas sa biktima apan naabtan sila og kapin duha ka oras sa pagtangtang niini.

Samtang gitangtang siya sa ilawom gitaoran kini og oxygen tank aron makatabang sa iyang pagginhawa.

Diha ra nakuha ang biktima dihang gitagsa-tagsa og tabas gamit ang mga power tools ang mga parte sa sakyanan ni Talon kinsa tulo ka higayon nga gi-pump sa mga rescuers.

Ang biktima gidala sa Chong Hua Hospital ug gihulagway atol ning pagsulat sa balita nga naa sa kritikal nga kahimtang.

Ang drayber sa truck nga si Eldebrando Gempeso mipadayag nga wala siya’y kalibutan nga mao kadto’y nahitabo tungod kay paka na lang sa truck ang iyang nadunggan.

Gani, maayo usab nga pagkaigo sa iyang kutokuto ngadto sa manobela sa sakyanan.

Ang imbestigador sa traffic nga si PO2 Franklin Balaquia mipadayag usab nga adunay tulubagon si Gempeso tungod usab kay wala kini nag-hazard lights o ba kaha nagbutang og early warning device (EWD) aron mapahibaw-an daan sa ubang motorista. (BANAT NEWS)

ANG EMERGENCY RESCUE UNIT FOUNDATION APAN BUREAU OF FIRE PROTECTION CHONG HUA HOSPITAL EDUARDO TANGHINAN ELDEBRANDO GEMPESO FORD EVEREST FRANKLIN BALAQUIA JOSHUA TALON JR.
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with