Trese ka bata na-rescue
AJ de la Torre, Bong Soriano, Lesley Caminade-Vestil (Banat) - September 7, 2013 - 12:00am

CEBU, Philippines - Trese ka bata ang gi-rescue sa mga sakop sa National Bureau of Investigation (NBI)-7 ug Department of Social Welfare and Development (DSWD) human matino nga kining mga bataa mga biktima sa usa ka operator og cyber pornography den nga nadakpan niadtong miaging Mayo.

Ang NBI ug DSWD kuyog sa Provincial Women’s Commission (PWC), United States Department of Homeland Security (DHS) ug ang International Justice Mission (IJM) miadto sa mga eskwelahan sa Cordova ug Lapu-Lapu kung asa nag-eskwela ang mga bata.

Miingon ang NBI nga kining mga gi-rescue may kalambigitan sa gidakop niadtong Mayo nga giingon sa mga polis nga “Queen of cyberporn” sa Cordova.

Kuyog sa pagdakop sa babaye niadtong Mayo ang pag-confiscate sa NBI sa netbook sa suspek ug human gi- turnover didto sa US-DHS nga maoy miimbestigar gamit ilang mga high-tech nga kahimanan ug nakatabang sa pagtino kung kinsa ang mga bata nga nabiktima.

Uban sa trese ka bata nga gi-resuce kagahapon, tulo usab ka mga inahan ang giimbitar sa NBI-7 sa ilang opisina aron ma-interbyu.

Wala na makahatag ang NBI-7 og dugang impormasyon kay nagpaabot sila sa pag-abot ni Vice Governor Agnes Magpale kinsa chairman sa PWC. Si Magpale atoa pa sa Manila atol ning pagsuwat sa balita.

Ebidensya gikan sa computers

Si PWC Gender and Development officer Heddah Largo nagkanayon nga duna pa silay mga dugang operasyon nga himuon.

“Undangon nila if dili sila ganahan maigo sa ngipon sa balaud,” bahad pa ni Largo.

Si NBI-7 Regional Director Atty. Antonio Pagatpat nagdumili una sa pagpagawas og pamahayag kalabot sa maong operasyon tungod usab kay ang kaulohang buhatan niini ang nangulo sa maong operasyon.

Apan si Largo miingon nga usa ka follow up operation ang ilang gibuhat  kagahapon human sa forensic exam nga gikan sa mga computers nga ilang nakuha niadtong buwan sa Mayo atol sa ilang operasyon

Giingong ilang nakita gikan sa mga computer nga ilang narecover ang giingong mga hubo nga hulagway sa mga bata.

Gigamit sa DSWD ang visitorial power niini ngadto sa mga bata. Nakig-alayon usab sila sa Department of Education kay sa mga eskwelahan na nila gikuha ang mga bata ug maoy mitultol sa ilang mga panimay.

Radaza nasagmuyo

Gikasagmuyo ni Lapulapu City Mayor Paz Radaza ang kalit nga operasyon sa NBI 7 sud sa tunghaan sa Babag National High School kalabot sa cyber sex issue nga walay koordinasyon gikan kanila.

Matud pa ni Dr. Eduardo Ompad ang Lapulapu City Schools Division Superintendent nga ang principal  nga si Fe Goldiano sa Babag National High School  nahibulong sa kalit nga pag-abot sa NBI aron daw “luwason” ang siyam ka mga bata nga nagtungha sa ilang eskuylahan.

Apan migawas nga sayop diay ang impormasyong nakuha sa NBI tungod kay kaparehas lang og mga pangalan ang pipila sa mga tinun-ang ilang gipangita.

Matud pa ni Radaza mas maayo unta sa panimalay sa mga tinun-an gihimo ang operasyon ug dili sa tunghaan aron dili ma-traumatized ang mga bata. Giawhag ni Mayor Radaza nga klarohon una sa mga sakop sa NBI ang ilang impormasyon ug target sa dili pa mohimo sa ilang operasyon kay andam silang motabang.

Samtang si Ermelita Degamo sa DSWD sa dakbayan sa Lapulapu mipadayag nga wala siya makadawat og impormasyon nga dunay nalambigit sa cyber sex sa dakbayan sa Lapulapu ilabi na sa Brgy. Babag. (/EIM) (BANAT NEWS)

 

ANTONIO PAGATPAT APAN BABAG NATIONAL HIGH SCHOOL BATA CORDOVA ILANG NBI
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with