CEBU, Philippines - Gipasakaan na kagahapon og kasong kriminal ang konsehal sa Ronda ug ang kauban niini sa Cebu Provincial Prosecutor’s Office sa illegal nga pagkupot ogarmas ug pagpatay sa usa ka unggoy. Matud ni PO3 Protacio Tago Jr., ang kasong gipasaka batok kang konsehal Alfredo Villafuerte ug Lucino Carreon naglakip sakalapasan sa Republic Act (RA) 9147 or Wildlife Resources Conservation and Protection Act ugRA 8294 kon illegal possession of firearms.
Sa inquest proceedings, matod ni Tago ang duha ni -waived sa ilang katungodnga mopailawom sa preliminary investigation ug mipadayag nga ilang atubangon ang maong kaso sa korte.
Si Prosecutor Jerome Abarca mirekomendar og P12,000 nga piyansa sa kasong illegal nga paghupot og armas matag usa para sa ilang temporaryong kagawasan.Matod ni Tago bisan pa man og naay lisensya ang ilang mga armas, wala kini license to carry firearms outside of residence (PTCFOR).
Ug tungod kay wala sila masakpi sa akto sa pagpusil sa unggoy gipasaka ang kaso pinaagi sa regular filing ug gihatagan sila og panahon nga tubagon ang kaso.
Niadtong Lunes, ang duha nadakpan sa Malabuyoc police human silamakadawat og report nga dunaynag-hunting og unggoy sa Sitio Mainit, barangay Montaneza. Nakuha gikan kanila ang usa ka M-4 Armalite nga dunay 36 rounds of ammunition ug .22 Armscor Magnum rifle nga may lima ka bala ingon man ang usa ka sako nga dunay patay nga unggoy. (BANAT NEWS)