Disqualification case gipasaka vs Ouano ug Pelaez
Rosalinda L. Orosa (Banat) - May 10, 2013 - 12:00am

CEBU, Philippines - Karong nagkaduol na ang eleksyon, nagpusot-pusot usab ang mga kasong gipasaka sa matag partido batok sa ilang mga kaatbang.

Gipasakaan og “disqualification case” sa DERETSO team sa Lapulapu City si LP mayoralty candidate Efrain Pelaez ngadto sa Lapulapu City Comelec gumikan sa giingong pagpakaon niini sa mga supporters atol sa ilang proclamation rally sa milabay’ng bulan sa Abril. Ang mipasaka og kaso mao si incumbent Mayor Paz Radaza ug sa iyang mga kauban sa partido ngadto ni Lapulapu City Comelec officer Ann Fleur Gujilde  tungod sa giingong paglapas niini sa Fair Election Act ubos sa RA 9615.

Si Pelaez ug ang iyang grupo gipasanginlang mipakaon sa ilang mga supporters niadtong Abril 14 diha sa Marina Mall ug kini nakuhaan og video footage isip ebidensya.

Apan si Pelaez  mipakaminus lamang sa maong kaso gumikan kay matud niya wala kini kamatuoran. Matud niya ang iyang mga supporters nangaon sa maong mall apan dili kadto iyang gasto.

“Dili ko kapugong sa mga tawo nga mopalit og pagkaon sa Marina mall kay usa man kini sa publikong dapit diin daghan ang namaligya og pagkaon,” matud pa ni Pelaez.

Samtang ang ubang leaders ug mga supporters nagbalon og pagkaon nga maoy ilang gikaon nianang adlawa.  Samtang  nag-atubang usab og disqualification case sa Comelec si bokal Thadeo Ouano sa sixto distrito sa Sugbo nga gipasaka sa Balili scandal whistleblower nga si Crisologo Saavedra.

Subay sa reklamo nga giduso ni Saavedra sa buhatan sa Comelec niadtong Martes  giawhag niyang  tangtangon si Ouano sa mga kandidato pagka board member tungod kay nakombikto na kini sa Ombudsman niadtong petsa 31 sa Enero tuig 2008 sa kasong grave misconduct ug gisilotan nga mataktak sa katungdanan may labot sa overpricing sa lamppost sa nilabay’ng ASEAN Summit.

Matud pang Saavedra, bisan napili nga board member si Ouano gikan pagka-mayor sa Mandaue aduna pa gihapoy epekto ang desisyon sa Ombudsman nga nagdili kaniyang makahupot ug magpapili sa bisan unsang posisyon sa gobyerno.

Ang Banat News misuway og kuha og pamahayag gikan ni Ouano kalabot sa maong kaso apan napakyas ang maong tinguha.(Bong Soriano, Darrel Carumba/EIM) (BANAT NEWS)

ABRIL ANG BANAT NEWS ANN FLEUR GUJILDE BONG SORIANO COMELEC CRISOLOGO SAAVEDRA LAPULAPU CITY COMELEC OUANO
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with