DENR kahiusa sa Comelec sa kahinlo
Liezl Mabini Frasno (Banat) - April 16, 2013 - 12:00am

CEBU, Philippines - Ang Department of Environment and Natural Resources (DENR) milusad og programang "Basura-Free Election 2013"  sa pag-aghat sa publiko nga dili manalibay og mga campaign material sa bisan asang dapit ug usab motabang sa paghinlo human sa eleksiyon.

Ang DENR kahiusa sa Commission on Elections (Comelec) ug sa Department of the Interior and Local Government (DILG) aron mas epektibo ang maong kampanya nga may temang "Kalat Ko, Sisinupin Ko".

Ning bag-ohay lang usa ka Joint Memorandum Circular (JMC) ang gipirmahan sa mga tinugyanan sa tulo ka ahensiya sa gobyerno aron masiguro nga ang mga lokal nga opisyal, political parties, party-list organizations, mga kandidato ug mga tig-suporta nila motamud sa probisyon sa Republic Act (RA) No. 9003, o ang Ecological Solid Waste Management Act of 2000 sa panahon sa pangampanya.

 Ang RA 9003 naghatag og tukmang  mga  sistema  sa paghipos  sa basura aron pagsiguro nga  mapanalipdan ang   maayong panglawas sa publiko ug sa kalikopan pinaagi sa pagsagop og mga paagi sama sa paglikay sa paghugaw-hugaw ug pagpaminus sa gidaghanon  sa hugaw.

Si DENR Undersecretary ug Chief of Staff lawyer Analiza Rebuelta-Teh, DENR Secretary Ramon J. P. Paje; DILG Assistant Secretary Rolando M. Acosta; ug Comelec Commissioner Lucenito N. Tagle ang mipirma sa maong JMC.  Matud pa ni Comelec Commissioner Lucenito Tagle, panahon na aron mosanong ang mga politiko aron mahimong hinlo ang eleksiyon.

Samtang gipahinumdoman pag-usab  ang mga kandidato nga gidili ang pagbutang og mga campaign material sa mga punoan sa kahoy. (/WC)  (BANAT NEWS)

 

ANALIZA REBUELTA-TEH ANG DEPARTMENT OF ENVIRONMENT AND NATURAL RESOURCES ASSISTANT SECRETARY ROLANDO M BASURA-FREE ELECTION CHIEF OF STAFF COMELEC COMMISSIONER LUCENITO N COMELEC COMMISSIONER LUCENITO TAGLE DEPARTMENT OF THE INTERIOR AND LOCAL GOVERNMENT
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with