The Love Affair naka P320 M

CEBU, Philippines – Nikabat ngadto sa P320 million ang box office gross sa Star Cinema movie “The Love Affair” nga gibituonan nila ni Richard Gomez, Bea Alonzo, ug Dawn Zulueta. Niadtong Biyernes sa gabii gipahigayon ang thanksgiving/victory party.

Nadisgrasya si Ella

Nadismaya si Vice Ganda nga wala nakasalmot kagahapon sa grandfinals sa COC si Ella Cruz  gumikan kay nahiagom kini og minor accident atol sa rehearsal. Daghan sab unta ang nagpaabot kang Ella, kansang twerk video aduna na karoy 12 million views.

Mag-artista na

Nipirma og kontrata ang MMA athlete nga si Ali Khatibi sa Viva Entertainment Inc. Bukas matud pa siya alang sa movie projects ilabi na action. Si Ali maoy partner ni Cristine Reyes ug gitakda na sila nga magpakasal karong December.

Mag-kongresista

Niretiro na isip Optical Media Board (OMB) Chairman si Ronnie Rickets gumikan kay magpapili kini pagka kongresista didto sa Muntinlupa.

Dili makatuo

Hangtud karon dili pa gihapon makatuo si Rachelle Ann Go nga nakaduet niya atol sa 30th Anniversary sa Les Miserable ang original nga Fantine nga si Patti LuPone. Si Rachelle ang kasamtangan nga Fantine sa nagpadayon karon nga Les Miserables didto sa London.