Kinahanglan ang taas nga pasensiya diha sa kadalanan – Baustista

CEBU, Philippines — Ang pangulo sa Talisay City Health Office Dr. Rey Cesar Bautista nagkanayon nga ang kainit sa panahon makatampo sa pag-init sa ulo sa usa ka tawo.

Si Baustista niawhag sa katawhan nga likayan ang pagbuwad sa init.

Matud ni Bautista nga dili usab maayo nga kong sapoton gumikan sa kainit momaneho og sakyanan.

Gikataho nga ubay-ubay na ang panghitabo sa road rage o away diha sa karsada.

Gani sa niaging semana usa ka motorista ug taxi driver ang nagsinukmagay diha sa Barangay Linao, Dakbayan sa Talisay. Si Bautista nagkanayon nga concern nila ang mental health sa usa tawo apan ang sapot o kainit sa ulo normal lang gyud kini.

Ug ang dili normal mao ang himuon nga aksyon samtang anaa na sa kainit sa ulo ang tawo.

Niawhag usab si Bautista sa katawhan nga magbaton og taas nga pasensiya ilabi na nga magmaneho sa sakyanan.

Dili kalikayan nga adunay mga drayber nga magpaturagas lang sa pagmaneho ug ang angay nga buhaton mao ang paglikay nalang niining klase sa mga drayber.

“Let’s bring extra patience. Kay kusog man o hinay ang dagan maabot raman ta sa destinasyon”, dugang ni Bautista. BDB BANAT NEWS