27 ka paresan nakapahimulos sa mass wedding

CEBU, Philippines — Mokabat sa 27 ka paresan ang nakapahimulos sa libreng kasal nga gidalit sa Duros Group ubos sa Rafaelito and Fe Barino Foundation.

Isip kabahin sa ilang Corporate Social Responsibility, ang Duros Group mi sponsor og kasal sa dili mominos sa 27 ka paresan nga gikasal sa San Vicente Ferrer Parish, Liloan nga gipangulohan ni Fr. Bonaventure Valles.

Ang maong mass wedding nasubay usab sa ika- 45th Wedding Anniversary sa magtiayon nga Barino kinsa si Lito mao ang Chairman of the Board, Samtang si Fe mao ang President sa Duros Group of Companies.

Nasayran ang magtiayon nidasig sa ilang mga trabahante nga walay kasal og nagpuyo-puyo lang nga sila magpakasal og ang kompaniya ang mogasto kanila.

Ang mga gusto magpakasal gipalihok gilayon ang ilang requirements aron sila mahiusa na sa salag sa kaminyoon.

Lakip sa gitrabaho sa kompaniya mao ang pag-andam sa simbahan, decoration, singsing, senina ug tag P10mil nga gihatag sa matag couple aron aduna silay masaw-an uban sa ilang pamilya ug kahigalaan.

Gihangop ug gikalipay usab sa mga kinasal ang maong mass wedding tungod kay makadawat na gayud sila sa hingpit sa grasya sa Ginoo. (BANAT NEWS)