Mga bag-ong ABC officials nanumpa

CEBU, Philippines —  Nasublian sa katungdanan isip pangulo sa Liga ng Barangay (LNB) ang  ex-officio councilor nga si Barangay Kasambagan Chairman Franklyn Ong human sa eleksyon kahahapon.

Human sa makadaghang higayon nga nauktaba ang eleksyon , nabuhat kini kagahapon nga diha gihimo sa Cebu City Hall.  Si Ong nakakuha og mayoriya sa botos nga 76 gikan sa 78 nga nisalmot nga mga kapitan maong giproklamar siya election committee pinangulohan ni Inayawan Barangay Captain, Attorney Kirk Repollo.

Giproklamar sab nga midaog pagka bise presidente Barangay Kalunasan Chairman Carlitos Ceniza samtang si Barangay San Antonio Chairman Daido Stephen Abcede Jr. maoy auditor.

Samtang ang board of directors mao silang Kapitan Rex Y. Millan sa Kalubihan;  Danilo C. Lim sa Poblacion Pardo;  Gremar C. Barete sa Buhisan;  Reynald A. Lauron sa Cambinocot;  Susan Enriquez sa Kinasang-an;  Apol Ross G. Enriquez sa Guadalupe; Nerissa G. Antolihao sa Budlaan; ug  Nilo C. Tariman sa Pit-os.

Si mipaabot sa iyang dakong pasalamat sa mga kaubanang barangay Kapitan sa ilang pagsalig sa iyang pamunoan maong siya gisublian nila og mandato isip pangulo sa Liga.

“And I am very humbled for the overwhelming support for the all the majority of the barangay captains who voted today, and of course, it will give us more inspiration to work harder for the good of the 80 barangays in the city,” matud ni Ong.

Ang kaatbang ni Ong mao si Barangay Calamba Chairman, Esther Concha kinsa nakakuha og duha ka boto.

Matud ni Ong, ilang ipadayon ang mga nasugdan apan wala pa mahuman nga mga proyekto sa ABC ini og human matudlo ang mga bag-ong secretary, treasurer ug PRO.

Gikataho nga si Ong, bisan sakop sa BOPK girekomendar ni Mayor Michael Rama sa maong posisyon.

Mandaue City

Hingpit na nga nanumpa ngadto kang Mandaue City  Mayor  Jonas Cortes ang bag-ong napili nga han-ay  sa mga opisyal sa Association of Barangay Council (ABC)  sa Siyudad sa Mandaue.

Sa oathtaking ceremony nga gipahigayon kagahapon sa session hall Disyembre 15, 2023  maoy maoy  nanumpa nga bag-ong ABC  president si Canduman Brgy. Captain Dante Borbajo ug bise presidente sa ABC  si Centro Brgy. Captain Ignacio Cortes.

Kauban nila sa nanumpa ang auditor: Bakilid Brgy. Captain Roy Lumapas,mga Board of Directors nga silang Paknaaan Barangay Kapitan  Maricar Canete, Looc Barangay Kapitan  Raul Cabahug, Subangdaku Barangay Kapitan  Romanita Manatad, Umapad Barangay Kapitan Reb Cortes, Barangay Kapitan Jose Ronnie Ranile, Tabok Barangay Kapitan Dario Tarriman ug Pagsabungan Barangay Kapitan Asterio Suson.

Lapu-Lapu City

Samtang sa Siyudad  sa Lapu-Lapu sa gipahigayon nga eleksiyon isip bag-ong ABC President si Jasmine Chan sa the Barangay  Basak ug bise presidente usab si  Rufo Bering sa Barangay Canjulao,  auditor si Arsilito Pejo  sa Calawisan ug mga Board of Directors (BOD) ang gilangkoban usab nila ni  Milagros Amores  sa  Marigondon, Rosita Macasaol sa Ibo, Efren Aying sa Mactan, Ruben Patigdas sa Subabasbas, Ranulfo Emperio sa Pusok,  Francisco Gilig Jr. Sta. Rosa, Audie  Flores sa Tingo,ug Eulogio Cesar Manayon sa Babag. BM (BANATNEWS)